E fundit!

14:21 Aktualitet

Vendimi i Kushtetueses për sekuestrimin/ Braho: Ka nevojë për rregullim ligjor procedural

Kreu i SPAK-ut, Klodjan Braho, gjatë raportimit të tij në ...

Rexhep Mejdani kunder Edi Rames/ Te kerkoje falje, zgjedhje te parakohshme

28 Shtator 2015, 07:38, Aktualitet CNA

Ish-presidenti Rexhep Mejdani kërkon nga kryeministri Rama, që të shpallë zgjedhje të parakohshme.

Ai thotë në një intervistë për Panorama, se Rama ka njollosur historinë e PS-së dhe parlamentit, me përfshirjen e deputetëve me precedentë penalë.

Për këtë arsye, sipas tij, procesi i dekriminalizimit duhet të finalizohet me zgjedhje të reja parlamentare.

?Po rezultojnë false të gjitha deklaratat e bëra nga kryeministri apo që vazhdojnë të bëhen ende sot, nga të gjitha palët.

Në gjykimin tim, krahas procesit parlamentar-ligjor të dekriminalizimit, që duhet të jetë sa më bashkëpunues dhe me shpirt konsensusi, duhet të ecet me shpejtësi edhe në procesin politik-partiak, me rregullime statuore e strukturore për shmangien që në embrion të kësaj situate përfaqësimi që na bën gaz të botës?, thotë Mejdani.

?Këto hapa duhet të shoqërohen me dorëheqje e zëvendësime, pse jo dhe me rregullime tërësore, pas ndryshimeve përkatëse legjislative-lushtetuese, nëpërmjet një procesi të ri zgjedhor të përgjithshëm, ose pjesor?, shprehet më tej ai.

?Rama është përgjegjës që u bëmë gazi i botës dhe për këtë arsye duhet t?u kërkojë falje qytetarëve dhe anëtarësisë së PS ?së?, thotë ai në një intervistë për gazetën Panorama.

Sipas Mejdanit, me përfshirjen e individëve me të shkuar kriminale, Rama ka njollosur jo vetëm emrin dhe historinë e grupit parlamentar socialist, por edhe parlamentit shqiptar. Për shkak të kësaj situate ? thotë Meidani ? duhen bërë zgjedhje të reja parlamentare dhe lokale, të përgjithshme ose pjesore.

Kjo situatë ? thotë Medani ? ka ardhur nga fakti se me Ramën në krye Partia Socialiste, nga parti liberale është shndërruar në një parti klienteliste, ku forumet kolegjiale e anëtarësia kanë shumë pak rol në përzgjedhjen e kandidatëve të saj.

Meidani lëshon kritika të forta edhe për e-mailin që kryeministri u dërgonte ministrave, duke i quajtur ata arrogant. Ai thotë se përmbajtja e e-mailit është ?një pasqyrë mospërfilljeje, një fyerje dinjiteti për anëtarët e kabinetit që, ndoshta, më tej transmetohet nëpërmjet tyre më poshtë?.

Përsa i përket operacionit të qeverisë kundër evazionit fiskal, ish ?presidenti thotë se ai nuk mund të paralelizohet me aksionin kundër atyre që vidhnin energjinë. ?Me biznesin ?thotë Mejdani ? duhet patur kujdes, sepse krijon të ardhura për buxhetin e shtetit dhe hap vende pune?. Ai shpreh shqetësim edhe për mosrealizimin e të ardhurave në buxhet, duke thënë se ?mbledhja e tyre është larg planit, diku për paqartësi konceptore, duku për paaftësi individuale dhe diku për evasion e mitmarrje?.