web counter
LEXO PA REKLAMA!

SHKARKO APP

App Store
Google Play

E fundit!

x

Skandali i ÇEZ/Një tjetër video kundër Metës?

23 Shtator 2015, 10:08, Aktualitet CNA

Një zhvillim i papritur ka ndodhur të martën në mbrëmje në emisionin ?Opinion?. Gazetari ivestigativ, Artan Hoxha i Nevs 24, ka hedhur ?bombën? se disponon një video të patransmetuar, sipas së cilës një njeri pranë qeverisë shqiptare i ka kërkuar takim dhe më pas e ka kërcënuar një dëshmitar të mbrojtur, të ruajtur nga forcat RENEA, i cili po e furnizon prokurorinë shqiptare me dokumenta dhe prova për megaskandalin e ÇEZ. Deri më tani në këtë çështje të hapur nga agjencia e lajmeve BIRN, është vënë në shënjestër Ilir Meta ?si një ish kryeministër i akuzuar për korrupsion?, se ka favorizuar mikun e tij Kastriot Ismailaj (sot i burgosur për pastrim parash)  që të fitojë mundësinë e borxheve të pambledhura nga ish shpërndarësi i energjisë elektrike ÇEZ. Po ashtu akuza të forta kanë rënë edhe mbi zyrtarët e lartë të qeverisë Berisha, se nën trysninë e ryshfeteve të ÇEZ-it, kanë ulur çmimin e shitjes të energjisë për këtë kompani, duke i shkaktuar shtetit shqiptar një dëm prej 30 milionë dollarësh.

Por një nga anët e mistershme të kësaj mega afere ka qenë edhe pikëpyetja: Nga dalin dokumentat?

Gazetari Artan Hoxha ka rrëfyer dje për herë të parë se ka një dëshmitar të marë nën mbrojtje i cili po i ndihmon zbardhjes së çështjes me dëshmitë e tij. Por ka hedhur ?bombën? Hoxha, ky dëshmitar megjithëse ruhet nga trupa speciale është kërcënuar nga një përfaqësues i qeverisë shqiptare që ti japë fund nxjerrjes së sekreteve. Madje ka- vazhduar ai- për këtë ?ngjarje? ekziston edhe një video. Në video duket dëshmitari i marrë në mbrojtje i kërcënuar nga një jurist aktual i OSHE me emrin R Ruçi. Sipas aludimeve të Artan Hoxhës Ruçi e ka kërcënuar dëshmitarin në emër të Ilir Metës dhe i ka kërkuar atij të ndërpresë ?rjedhjen? e materialeve. ?Kuptohet që dalja e tyre ka rënduar Ilir Metën dhe ai ishte njeriu i parë që donte që ajo të ndërpritej? ka thënë Hoxha.

Por emisioni ?Opinion? ka marrë një rjedhë të papritur kur në linjë telefonike është futur vetë Ruçi. Ai e ka pohuar takimin me dëshmitarin e marë në mbrojtje. E ka pohuar edhe bisedën mes tyre për ?rjedhjen? e informacionit, por nuk ka pranuar se ai e ka kërcënuar bashkëbiseduesin e tij. Pra në thelb ai e ka pranuar dëshminë e Hoxhës që deri në atë moment dukej shumë e pabesueshme.

Menjëherë pas ndërhyrjes së tij, Ruci është pyetur nga gazetari Lorenc Vangjeli,  i shqetësuar për shfajësimin e kryetarit të LSI-së,  nëse ai kishte lidhje me Ilir Metën apo LSI-në dhe nëse kishte njohje me kryetarin e kuvendit. Ruçi e ka ka mohuar këtë duke thënë se ai ka vajtur në takim vetëm për tu informuar dhe për të mbrojtur interesat e kompanisë Çez ku punon aktualisht.

Me kaq ky debat është mbyllur, por jo pikëpyetjet rreth tij.

Sepse së pari ai tregoi se skandali i ÇEZ që i ka kushtuar shtetit shqiptar miliona euro dhe që rrezikon ti humbasë atij në një proces në arbitrazh edhe 130 milionë euro të tjera, rezervon zhvillime të reja. Ende ka fakte dhe prova të panjohura që pritet të dalin. Së dyti ky skandal që është demonstrimi  më i mirë i lidhjeve të politikës me botën e krimit, por rezervon surpriza me nxjerrje videosh dhe me kërcënim dëshmitarësh. Së treti se  kjo aferë ku dyshohet se janë të përfshirë Ilir Meta dhe zyrtarë tejet të lartë të kontrolluar nga ish kryeministri Berisha, pra kjo ?vjedhje në bashkëpunim? nuk është mbyllur akoma dhe se një ambasadë e rëndësishme perendimore në Tiranë është tejet e interesuar për mbajtjen hapur të saj.

Që kur agjencia BIRN botoi dokumentat që nisen këtë skandal qarkulluan fjalë se kjo histori do të vazhdonte me nxjerrjen e provave dhe dokumentave të tjerë. Gazetari Artan Hoxha ka pohuar se ai disponon një prej tyre, një video ku pretendohet se një punonjës i OSSHE kërcënon një dëshmitar të marë në mbrojtje. Ai është zotuar se do ta shfaqë atë në emisionin ?Opinion? të kësaj të enjteje. Le të presim….(





Lajmet e fundit nga