E fundit!

08:08 Politikë

Balla tallet me Agron Shehajn, mesazh protestuesve: Ky tradhtoi Lulin, Mulin, Saliun, e jo më ju

Kreu i Grupit Parlamentar të Partisë Socialiste Taulant Ba...

SHBA: Qeveria është nën ndikimin e krimit

18 Shtator 2015, 07:59, Aktualitet CNA

Disa orë pasi Edi Rama deklaroi në sallën e Parlamentit se nuk do t?i lëshonte Artur Bushin dhe Elvis Roshin pa pasur një dokument që vërteton veprimtarinë e tyre kriminale, nga Shtetet e Bashkuara të Amerikës ka ardhur një deklaratë bombë. Uashingtoni konstaton se qeveria shqiptare është nën ndikimin e krimit. Toni është i prerë dhe ultimativ.

Misioni amerikan në OSBE, si asnjëherë më parë, u kërkon shqiptarëve të rrisin presionin për të hequr ndikimet kriminale mbi qeverinë ?Rama?. Misioni amerikan thotë se kërkon jo fjalë, por reforma sistematike kushtetuese për të penguar përfshirjen e kandidatëve me rekorde kriminale në fletët e votimit. Asnjë herë më parë nuk ka pasur një konstatim kaq të rëndë, sipas të cilit qeveria është nën ndikimin e krimit. Deklarata e fortë ka ardhur një ditë pas disa mesazheve të qarta dhe të prera të ambasadorit amerikan në Tiranë, Donald Lu.

Në deklaratë thuhet se pavarësisht se disa kandidatë u hoqën nga lista, disa kandidatë të tjerë, me aktivitete kriminale, u lanë që të garonin. Mesazhi i SHBA është artikuluar përmes ambasadorit të saj të përhershëm në selinë e OSBE-së në Vjenë, Daniel Baer. ?Shtetet e Bashkuara nënvizojnë se pavarësisht progresit të bërë me heqjen e disa individëve të lidhur me aktivitete kriminale nga listat e kandidatëve, disa vazhduan garën. U bëjmë thirrje të gjithë shqiptarëve që të insistojnë që partitë e tyre politike të ofrojnë kandidatët me reputacion, të cilët dëshirojnë ta çojnë vendin përpara. Eliminimi i korrupsionit dhe heqja e ndikimeve kriminale nga qeveria, janë thelbësore për zhvillimin e qeverisjes së mirë dhe të institucioneve demokratike të Shqipërisë. Mënyra më efektive për të siguruar këtë, është që Shqipëria të bëjë reforma sistematike kushtetuese dhe legjislative, që pengojnë kandidatët të cilët janë subjekt i ndikimit penal ose me qëllim kriminal, që të vendosen në fletën e votimit?, thuhet në deklaratën e ministrit amerikan.

Misioni amerikan në OSBE i ka kërkuar politikës së Tiranës të ndërmarrë veprime konkrete. Misioni amerikan në OSBE vlerëson se asnjëra nga partitë nuk duhet të bëhet bllokuese në këto dy reforma të rëndësishme, por duhet të angazhohen me vepra për përmbylljen e tyre. ?Shtetet e Bashkuara inkurajojnë qeverinë dhe Parlamentin për të mbështetur angazhimin e tyre për të bërë reformën gjyqësore një prioritet i lartë, me veprime jo vetëm me fjalë. Ne duam të theksojmë rëndësinë e përfshirjes së opozitës politike në këtë proces. Reforma duhet të ndiqet në një frymë përkushtimi shumë-partiak, ndërsa në të njëjtën kohë është me rëndësi që asnjë parti të mos bllokojë rrugën përpara?, thuhet në deklaratë.