web counter
LEXO PA REKLAMA!

SHKARKO APP

App Store
Google Play

PE: Dëgjojmë çdo ditë për deputetë me të shkuar kriminale

15 Shtator 2015, 07:37, Aktualitet CNA

Kriminalizimi i Parlamentit Shqiptar, pushtetit vendor, administratës dhe shtetit shqiptar në përgjithësi, ka përfshirë në debate Parlamentin Evropian. Pavarësisht arrestimit të një deputeti dhe përjashtimit të një tjetri, në këtë fillim të sesionit parlamentar, presioni i Brukselit, për të ndarë Kuvendin e Shqipërisë nga mafia dhe bota e krimit, është i pazakontë. Në një gjatësi vale me ultimatumet e Uashingtonit, nga Brukseli kanë ardhur mesazhe të qarta.

Gjatë diskutimit të raportit të OSBE/ODIHR për zgjedhjet e 21 qershorit në Komisionin e Jashtëm, eurodeputetët janë përfshirë në debate për situatën në Shqipëri. Më i ashpri ka qenë eurodeputeti Eduard Kukan, i cili tha se dëgjonte çdo ditë për deputetë të lidhur me krimin në Shqipëri, të cilët fshihen pas imunitetit. Sipas tij, procesi i dekriminalizimit duhej të kishte përfunduar para zgjedhjeve. ?Dekriminalizimi i politikës është një tjetër çështje që më shqetëson shumë. E dimë që ka qenë një problem për një kohë të gjatë. Në Parlamentin Evropian kemi pritur që kjo çështje do të zgjidhej përpara zgjedhjeve lokale. Edhe pse këto zgjedhje ishin një shans për partitë politike, reagimi ka qenë i paqartë. Dëgjojmë çdo ditë për deputetë me të shkuar kriminale, të cilët përpiqen të përdorin imunitetin?, deklaroi Kukan.

Në të njëjtën linjë me të ishte dhe ambasadorja e BE në vendin tonë, Romana Vlahutin, ku u shpreh se krimi në politikën shqiptare është një problem tepër shqetësues. Ajo tha se duhet vullnet mes palëve për t?i shkuar deri në fund procesit. ?Një tjetër temë që kemi prekur ishte dekriminalizimi i politikës në Shqipëri. Kjo fatkeqësisht është një dukuri e përhapur dhe nuk është hera e parë dhe shpresoj që këtë vjeshtë do të kemi më në fund një legjislacion që do nënvizojë qartazi se kush mund të marrë pjesë në zgjedhje apo të kërkojë pozicione në jetën publike. Jam e lumtur që ka një angazhim të qartë nga mazhoranca dhe opozita për të përmbushur rekomandimet?, tha ajo.





19:26 Aktualitet

“Daku” dhe dajaku

*Sokol BALLATre ditë më parë asistova në një debat në një pr...

Lajmet e fundit nga