web counter
LEXO PA REKLAMA!

SHKARKO APP

App Store
Google Play

Korcë/ Lëvizje dhe shkarkime në administratë

13 Shtator 2015, 16:21, Aktualitet CNA

Administrata e lartë dhe drejtuesit e institucioneve që përfshijnë ish-rrethin Korçë, pra Bashkinë e re Korcë dhe Maliq pritet të përfshihen nga një reformë. Largime dhe qarkullime.

Burime zyrtare nga selia rozë thanë për citynews.al, se tashmë socialistët kanë filluar të lëvizin në bazë dhe analiza do të shoqërohet edhe me lëvizje drejtuesish. Dje në Korçë ka zhvilluar takim me strukturat drejtuese I deleguari nga qendra Taulant Balla, ku ka kërkuar nga strukturat të bëjnë analizën dhe te fillojnë organizimin për zgjedhjet e vitit 2017.

Pork riorganizim do të shoqërohet edhe me ndryshime drejtuesish. Nivelet fillojnë nga qarku Korçë ku pritet largimi i kryetares aktuale Irena Nikaj, e cila pritet të zëvendësohet nga Ana Verushi, aktualisht Drejtoreshë e Sigurimeve Shoqërore Korcë. Me levizjen e Verushit ngelet një vend vakant, por jo vetëm ai. PS-ja po kërkon të ketë një drejtues edhe për Tatimet, për të cilat në fakt ka pasur një përplasje. Ky institucion ju la LSI-së, por drejtori i saj më pas u dorëhoq.

Pritet të shihet performance e drejtuesve të institucioneve, angazhimi i tyre në strukturat e partisë por edhe emërimet e militantëve dhe bazës së PS-së në administratë.

Levizje sipas të njëjtave burime do ketë në shumicën e drejtorive por këto ende janë duke u konfiguruar. Zv/kryeministri Niko Peleshi dhe kreu lokal i PS-së, Ilir Pendavinji, janë njerzit që po formatojnë të gjitha lëvizjet nga baza socialiste dhe deri tek institucionet në rajonin e Korçës.





Lajmet e fundit nga