E fundit!

21:40 Denoncim

Një vit pritje për 3 milionë borxh, çfarë ndodhi pas ndërhyrjes së “Stop”

Rasti i radhës i transmetuar në emisionin “Stop”, këtë të ...

Faktet/Astrit Veliaj, deputet i PD apo pazar i Qeverisë?

9 Shtator 2015, 15:39, Aktualitet CNA

Elvi FUNDO

Deputeti që ende e quan veten pjesë e grupit parlamentar të PD, Astrit Veliaj, ka dhënë një intervistë të gjatë për kolegët e shqiptarja.com, ku përgënjeshtroi lajmin e botuar në citynews.al, se ai ishte larguar nga grupi i PD, dhe tashmë ishte një deputet i pavarur në duart e kryeministrit Edi Rama.

Përgënjeshtrimi ishte krejt normal, por më shumë se aq qesharake ishte intervista dhe gjoja idetë e këtij personazhi.

Veliaj fliste për ndarje dhe bashkim të opozitës, pra coptim të saj, por nuk thoshte në asnjë rast pse prej muajsh nuk shkonte në mbledhjet e grupit parmanmentar të PD. Ai fliste për politikën në vend por harronte të na tregonte disa nga ato që mund të quhen thjesht pazare.

Harroi të fliste për godinen pa leje të universitetit të Beratit që kryeministri Rama i shkoi afër më makinën ngarkuar me tritol dhe fadromat që do e shembnin, por dicka ndodhi dhe shembja u ndalua. Me tej kemi një padi penale, por jo arrestim në flagrancë, imunitet i haruar apo në sirtar?

Por nuk mund të na thotë Veliaj se cfarë duhet të bëjë opozita pasi ai tashmë është peng i qeverisë, dhe i tillë ka qenë që vitin e kaluar. Këtu kemi parasysh heqjen e licensës të AU (Albanian University). Heqje license që u komentua jo pak. Për më tepër vetë ministrja Nikolla tallej me masterin e saj ne AU kur thoshte se na i jepte falas Saliu.

AU u mbyll, por nuk u mbyll. Mund të duket loje fjalësh por është krejtesisht kështu. U mbyll publikisht më pas u gjet zgjidhja dhe pazari. Askush nuk mund të flasë dhe konfirmojë thashetheme për miliona euro, por për mbylljen e UTV dhe largimin e Çim Pekës dhe shumicës së stafit, kur pikërisht në atë kohë ai televizion kishte rritur audiencën dhe kishte frymë opozitare, Astriti i vuri celsin. Po këtu shkon paralel zgjidhja, mbyllet Berati apo Fieri, ama Tirana dhe shumë të tjera vazhdojnë punë. Media u dorëzua. Por shkeljet e AU ishin ku e ku me ndonjë tjetër universitet të mbyllur ndërkohë.

Ja miliona ska paguar, pse mjafton vetëm një zë që kryeministri Rama të mos bënte Kurban Astritin, i duhej dicka më shumë. Dhe garancia është në parlament, Veliaj i duhej si votë shtesë për të qenë 85 apo më shumë vota, kujtojmë se PDIU, PDK e ndonjë tjetër nukk kishin shkuar me qeverinë.

Veliaj le të qëndronte në grupin e PD-së, po të duhej vota e tij ai kalonte menjëherë, por tashmë që ka përplasje më LSI-në ai është një votë e sigurt për qeverinë, më e sigurt edhe me largimin e Arben Ndokës apo mungesave të tjera që ka PS-ja dhe koalicioni qeveritar në parlament.

Zoti Astrit Veliaj nuk ka pse fshihet aspak pas gishtit. Ai tashmë ka ikur nga grupi i PD edhe pse deklaron të kundërtën, ai është një vegël e heshtur e kryeministrit Edi Rama në parlament.