E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Basha pas raportit OSBE-ODIHR/Qeveria dhunoi zgjedhjet për pushtetin

9 Shtator 2015, 08:23, Aktualitet CNA

Kreu i Partisë Demokratike, Lulzim Basha, ka nisur ditën e sotme me akuza të rënda ndaj qeverisë mbi zgjedhjet e 21 qershorit. Sipas Bashës, qeveria ka dhunuar zgjedhjet për të kapur me çdo çmim pushtetin. Ndërkohë, kreu i PD ka shtuar se qeveria zhbëri standardet kryesore të këtyre zgjedhjeve, dhe raporti është “damka më e zezë që prej vitit 2003”. “Qeveria zhbëri dhe dhunoi standardet kryesore të zgjedhjeve. Standardi më themelor i zgjedhjeve të lira e të ndershme është liria e votës. Qeveria dhunoi votën e lirë. Raporti i zgjedhjeve, damka më e zezë që prej vitit 2003. Dyshja Rama-Meta dhunuan zgjedhjet për të kapur me çdo çmim pushtetin. Shumë kuti janë mbushur nga një dorë”, ka deklaruar Basha.

?Raporti përfundimtar për zgjedhjet e 21 qershorit, me plot gojën është damka më e zezë që ka marrë një proces zgjedhor në Shqipëri, që prej vitit 2003. Tre janë konkluzionet kryesore të raportit. E para, më 21 qershor në Shqipëri nuk u mbajtën zgjedhje të lira e të ndershme. Togfjalëshi është zhdukur dhe nuk figuron në raport.

Kjo sepse qeveria zhbëri dhe dhunoi standardet themelore të zgjedhjeve duke shënuar një rrëshqitje prapa të demokracisë shqiptare. Raporti konkludon se liria e votuesve për të hedhur votën e tyre të lirë dhe pa frikë nga ndëshkimi i qeverisë, u dhunua. Këtu është dhe konkluzioni i dytë kryesor i raportit, zhbërja e standardeve themelore të zgjedhjeve si liria e votës dhe standardet e tjera nuk erdhi as për shka të mungesës së legjislacionit, as prej mungesës së vullnetit, por për shkak të vullnetit të dyshes Rama-Meta për të mos bërë zgjedhje të lira dhe të ndershme dhe për të kapur pushtetin me çdo çmim e çdo mjet.

Konkluzioni i tretë zbulon mekanizmin me anë të të cilit dyshja Rama-Meta dhunuan zgjedhjet për të kapur me çdo çmim pushtetin. Ky raport sjell prova e fakte se më 21 qershor shteti u ndesh me qytetarët dhe opozitën. Pra, jo garë mes partive, por shteti kundër qytetarëve?, tha Basha.

Basha tha se ka pasur politizim në procesin e hartimit të listave, ku akuzoi se maxhoranca ?rekrutoi bandat dhe u vërsul me tërbim me mbështetjen dhe mbrojtjen e policisë?. PD, tha kreu demokrat, do të qëndrojë e vendosur me çdo forcë e mjet, për të rikthyer zgjedhjet e lira dhe të ndershme.

?PD është e vendosur të qëndrojë me çdo forcë dhe çdo mjet. Ne së bashku me qytetarët e vendit e kemi të qartë rrugën tonë. Pa rikthimin e zgjedhjeve të lira dhe të ndershme nuk ka dhe nuk do të ketë zhvillim të vendit. Beteja për zgjedhjet e lira e të ndershme do të bëhet deri në fund, dhe çdokush që ka prekur votën e qytetarëve do të mbajë përgjegjësi?, deklaroi Basha.