web counter
LEXO PA REKLAMA!

SHKARKO APP

App Store
Google Play

E fundit!

x

Basha: Rama është përgjegjësi kryesorë, bëri deputet një person të inkriminuar

5 Shtator 2015, 11:33, Aktualitet CNA

Kreu i Partisë Demokratike, Lulzim Basha ka dalë në një deklaratë për mediat sot në orën 13:00.

Ai ka folur për ngjarjen e Laçit ku ka qenë i përfshirë deputeti i PS-së, Armando Prenga.

Sipas tij përgjegjësi kryesorë është Kryeminsitri, Edi Rama i cili ka marrë dhe ka bërë deputet një person të inkriminuar.

Basha deklaroi se ky ishte fundi i shtetit ligjor. Ai ka akuzuar edhe policinë për manipulim të ngjarjes.

“Deputeti i Ramës hapi zjarr mbi njerëzit. Policia vendosi shtetrrethim te spitali për 8 orë me urdhër të Tahirit, për të manipuluar ngjarjen, për të mbrojtur agresorët. Ata nuk reshtën së mbrojturi deputetin kriminel. Ky është fundi i shtetit ligjor në vend. Autori dhe përgjegjësi i kësaj ngjarje të rëndë është kryeministri i vendit. Nëse Rama nuk do ta kishte kërkuar dhe bërë deputet Armando Prengën, që bën të fortin, që merr vota me dhunë, nuk do të ishte kjo situatë. Rama bëri deputet gangsterin. S’ka më shtet, s’ka më standarde. Autori është deputet, pjesë e një grupi të inkriminuar, që drejtohet nga Ilir Meta. Ky është krimi i veshur me pushtet dhe pushteti i veshur me krim “, ka deklaruar Basha.





Lajmet e fundit nga