E fundit!

12:39 Aktualitet

“Vrasja e efektivit duhet të hetohet”/ Berisha akuza Hitës: Në vend të dorëheqjes kërkon të mbrojë karrigen e tij

Kreu i PD-së Sali Berisha ka kërkuar hetim të thelluar në ...

PD:Rama dhe Tahiri dhunojnë median, ndalojnë dëshminë për lidhjet kriminale

4 Shtator 2015, 18:34, Aktualitet CNA

Zëdhënësja e Partisë Demokratike, Orjala Nebiaj në një deklaratë për shtyp ka akuzuar kryeministrin Edi Rama dhe ministrin e Brendshëm Saimir Tahirin se kanë dhunuar median duke kërcënuar për mostransmetimin e intervistës ku oficeri i lartë i anti-drogës, Dritan Zagani, dëshmon lidhjet e Tahirit me narkotrafikantët e hashashit, heroinës e kokainës në Shqipëri.

Deklarata e plotë e Nebiaj:

Edi Rama dhe Saimir Tahiri kanë dhunuar sot median, duke bllokuar përmes kërcënimeve dhe presionit ndaj gazetarëve të neës 24, intervistën e paralajmëruar ku oficeri i lartë i anti-drogës, Dritan Zagani, dëshmon me zë dhe me figurë me fakte dhe prova lidhjet e Saimir Tahirit me narkotrafikantët e hashashit, heroinës e kokainës në Shqipëri.

Partia Demokratike e dënon këtë ndërhyrje kriminale të Edi Ramës dhe Saimir Tahirit, kundër medias dhe gazetarëve në vend.

Kërcënimi dhe mbyllja e gojës së medias nga qeveria, nga kryeministri dhe ministri i brendshëm është një atentat ndaj demokracisë, ndaj krejt shoqërisë tonë.

Kjo është një ditë e zezë për median dhe lirinë e fjalës.

Këto janë pasojat e inkriminimit, e ortakërisë së qeverisë me krimin. Për interesat e bandave të drogës, dhe protektorit të këtyre bandave, Saimir Tahiri, Edi Rama kërcënon median, ushtron presion ndaj medias, i mbyll gojën medias.

Kjo është Mafia. Ky është krimi i veshur me pushtet dhe pushteti i veshur me krim. Rama-Tahiri-Habilaj dhe gjithë bandat e drogës që kërkcënojnë median, vënë poshtë median, dhunojnë lirinë e shprehjes.

Partia Demokratike i bën thirrje ambasadorëve të Bashkimit Europian në Tiranë, Këshillit të Europës, OSBE-së, Shteteve të Bashkuara të Amerikës, të mbajnë qëndrimet e tyre për këtë krim ndaj lirisë së shprehjes.

Ne i bëjmë thirrje mediave dhe gazetarëve të vendit të ngrihen sëbashku dhe të refuzojnë, e të denoncojnë presionin dhe censurën e kësaj qeverie mafioze.

Ne i inkurajojmë ata ta pasqyrojnë intervistën e ndaluar.

Këto janë grahmat e fundit të një regjimi të lidhur me krimin, sepse e vërteta do të triumfojë.

Partia Demokratike zotohet para qytetarëve shqiptarëve se brenda 24 orëve të ardhëshme do t?i transmetojë të plota dëshmitë tronditëse, me zë e me figure, të pjesëve të intervistës së ndaluar sot.

Ne së bashku me qytetarët e partnerët ndërkombëtare, shoqërinë civile, mediat dhe gazetarët e lirë nuk do të lejojmë kurrë që liria e shprehjes dhe e mendimit, liria e medias, të dhunohen dhe nëpërkëmben nga Edi Rama, Saimir Tahiri dhe krimi i bërë një me ta.