E fundit!

08:07 Aktualitet

Rama: Ja kur e pranoj dorëheqjen

Kryeministri Edi Rama e ka nisur mëngjesin e kësaj të prem...

Tekstet shkollore në Maqedoni me përmbajtje fyese për shqiptarët

3 Shtator 2015, 17:00, Kosova & Bota CNA

Kështu, siç lajmëron televizioni Alsat-M, etiketohen shqiptarët në librin e gjeografisë për vitin e parë të shkollave të mesme.

Profesori i gjeografisë Burim Aliu thotë se këto përmbajtje janë fyese dhe irritojnë shqiptarët. Aliu thotë se ai por edhe të gjithë kolegët e tij këto pjesë do ti anashkalojnë gjatë orëve të mësimit.

?Gabimet janë shumë të mëdha sidomos tek popullata shqiptare dhe ku përmendet se çfarë prejardhje kanë, prej nga vijnë dhe prej cilave troje vijnë ata, që përmendet që është edhe si shkruan vet në libër, besoni unë nxënësve as që ua shpjegoj, atë faqe vetëm thjesht e përmend dhe u them se nuk ka nevojë që ta mësojnë, edhe pse shpesh herë vije që nxënësit irritohen, por unë u them le ta marrin shtruar se vërtet këto fakte janë gabim dhe duhen shmangur,? deklaroi Burim Aliu, profesor i gjeografisë.

Ndërkohë në librin e histori së për vitin e parë të shkollave të mesme fiset ilire të Enkelejve dhe Dasaretëve paraqiten si fise maqedonase duke shtrembëruar kështu faktet historike mbi të kaluarën e tyre ilire.

?Unë mendoj se kjo problematikë flitet vite me radhë dhe nuk po gjendet mënyrë që të evitohet, unë do të kisha thënë le të na kthen dikush buzëqeshjen tonë, qoftë ajo e jona personale si profesor, mësimdhënës të një lënde që e kemi ne por edhe nxënësve. Nuk do të ishte ndoshta problem për neve mësimdhënësit sa ajo paraqet problem për gjeneratat e reja, për nxënësit se gjithë ajo që sot kemi nëpër duar vërtet paraqet një problem. Në një njësi mësimore gjen të njëjtin argument dhe po ashtu në një njësi tjetër e gjen të njëjtin argument, kështu që vërtet krijon një huti dhe jo të arrijë qëllimin didaktik si tekst shkollor,? u shpreh Naser Miftari, profesor i historisë.

Ministri i Arsimit Abdilaqim Ademi pranoi defektet , duke paralajmëruar ndryshime ligjore për evitimin e gabimeve. Ademi gjithashtu tha se tashmë ka kërkuar ndihmë edhe nga Instituti për Trashëgimi Kulturore dhe Shpirtërore të Shqiptarëve në Maqedoni por edhe nga Instituti i Historisë në Tiranë dhe Prishtinë.

?Përpilimi i një teksti shkollor është problematik veçanërisht tekstet që kanë të bëjnë me historinë, me gjuhën, kulturën e popujve që jetojnë në Maqedoni dhe një pjesë bukur e mirë e këtij aktivitet duhet t?u lihet vetë institucioneve, jo arsimore por institucioneve shkencore, në veçanti historianëve që janë më të thirrur për këto çështje,? deklaroi Abdilaqim Ademi, Ministër i Arsimit dhe Shkencës.

Tashmë vite me radhë pjesa dërmuese e teksteve shkollore, me të cilat mësojnë nxënësit shqiptarë, kanë përmbajtje fyese, me shumë gabime gjuhësore dhe shtrembërime të fakteve dhe historisë. Ministria e Arsimit dhe Shkencës disa herë ka paralajmëruar përmirësimin e gabimeve por deri më tani asgjë nuk është ndërmarrë.