web counter
LEXO PA REKLAMA!

SHKARKO APP

App Store
Google Play

Check Up skemë mashtrimi për të vjedhur paratë publike

3 Shtator 2015, 07:38, Aktualitet CNA

Check Up skemë mashtrimi për të vjedhur paratë publike

Hije skandali me nismën e bujshme të kontrollit shëndetësor falas (Check-Up). Projekti i trumbetuar si sukses nga kupola e Ministrisë së Shëndetësisë rezulton një mashtrim i trashë, për të përvetësuar miliona euro nga taksapaguesit shqiptarë. Përpos dyshimeve të forta për paracaktim të kompanisë fituese, ky shërbim nuk ekziston në realitet. Check Up-i duket se është thjeshtë një skemë për të grabitur para. Ndonëse Ministria e Shëndetësisë fsheh kontratën me kompaninë “Marketing & Distribution”, si dhe nuk jep asnjë informacion për ecurinë e zbatimit të saj, dyshimet për abuzime janë të forta.

Zbatimi i kontratës ka kaluar në një proces fiktiv. Kjo kompani duhej të ngrinte 18 laboratorë në të gjithë vendin për kryerjen e analizave për grupmoshën 40-65 vjeç. Por si është realiteti në terren? Kjo kompani, me miratimin e kupolës së Ministrisë së Shëndetësisë, ka vetëm një laborator të amortizuar në Tiranë. Duke qenë se Ministria e Shëndetësisë ka refuzuar çdo informacion, gazeta ju drejtua Komisionit parlamentar të Shëndetësisë nëse ka të dhëna për këtë proces dhe veçanërisht ndërtimin e laboratorëve. Vetë deputetë të këtij komisioni pranuan se MSH nuk jep informacion, por sipas të dhënave të marra nga kontaktet e tyre, ata kanë konstatuar se ekziston vetëm një laborator qendror në Tiranë që lë për të dëshiruar dhe në shumë raste qytetarët u janë ankuar se nuk u korrespondojnë rezultatet e analizave.

 





Lajmet e fundit nga