web counter
LEXO PA REKLAMA!

SHKARKO APP

App Store
Google Play

Bllokohen negociatat me BE/Qeveria deshtoi me reformat

3 Shtator 2015, 07:42, Aktualitet CNA

Teksa kryeministri Edi Rama i ka kërkuar Bashkimit Evropian çeljen e negociatave për integrimin e Shqipërisë menjëherë pas miratimit të reformës në drejtësi, zbardhet raporti i zi i dështimit të qeverisë për të plotësuar kushtet e lëna nga Brukseli. Ministria e Integrimit Evropian ka bërë një bilanc të plotësimit të kushteve nga qeveria gjatë 6 mujorit të parë të vitit, në kuadër të planit kombëtar të integrimit.

Por cili është bilanci?

Nga 178 prioritete, janë plotësuar vetëm 59. Pra në 6 muaj, qeveria nuk ka plotësuar 119 kushte. Përveç 5 prioriteteve kryesore të vendosura nga BE, është kërkuar dhe realizimi i një sërë reformave të tjera në mjaft fusha, me qëllim përafrimin e ligjeve dhe standardeve me vendet e Bashkimit Evropian. Por nga 178 kushte të planifikuara për 6 muajt e parë të vitit, pra janar-qershor, të gjitha ministritë kanë dështuar, duke realizuar në këtë mënyrë vetëm 33% të planit. Po ashtu një dështim ka pasur dhe me hartimin e miratimin e dokumenteve strategjikë, pasi nga 38 të tillë, vetëm 20 kanë marrë firmën përfundimtare. ?Nga raportimi i institucioneve përgjegjëse për përgatitjen e kapitujve të Planit Kombëtar për Integrimin Evropian, vërehen këto dukuri kryesore: Nga 178 projektakte të planifikuara për dy tremujorët e parë të vitit 2015, vetëm 59 janë miratuar gjatë kësaj periudhe. Përqindja e realizimit për këtë periudhë është 33%; Nga 38 dokumente strategjike apo dokumente politikash, të planifikuar për dy tremujorët e parë të vitit 2015, 20 janë miratuar gjatë kësaj periudhe. Përqindja e realizimit për këtë periudhë është 52.6%?, thuhet në raportin e Ministrisë së integrimit, raport i realizuar nga Drejtoria e Politikave Sektoriale.





Lajmet e fundit nga