web counter
LEXO PA REKLAMA!

SHKARKO APP

Kinë /  Arrestohen 197 persona për përhapje të thashethemeve

31 Gusht 2015, 11:55, Kosova & Bota CNA

Në Kinë janë arrestuar 197 persona për përhapjen e thashethemeve përmes internetit lidhur me rënien e indeksit të bursave kryesore kineze dhe shpërthimin në depon e lëndëve toksike në portin Tianjin.

Në mesin e të arrestuarëve ka gazetarë dhe përfaqësues të bursës.

Gazetari i arrestuar Vang Sijaolu është paditur për përhapjen e informatave të pavërteta  për rënien e indeksit të bursave kineze.

Një nga thashethemet ka qenë se një burrë ka vrarë veten në Pekin për shkak të rënies së bursës, si dhe se në shpërthimin në Tianjin kanë vdekur madje 1.300 njerëz, kurse numri i viktima ka qenë rreth 150.

Para dy viteve autoritetet kineze krijuan mundësinë e dënimit me burg deri 3 vjet për përhapjen e thashethemeve.

 





Lajmet e fundit nga