web counter
LEXO PA REKLAMA!

SHKARKO APP

App Store
Google Play

Hungaria ndërton gardhin me gjemba në kufi me Serbinë / Masat që do të ndërmerren për emigrantët e paligjshëm

30 Gusht 2015, 10:51, Kosova & Bota CNA

Hungaria ka ndërtuar murin me gjemba në kufi me Serbinë . Ai është 175 kilometra e gjatë dhe përbëhet nga 3 radhë telash me gjemba.  Përvec kësaj mase një gardh i dytë 4 metra i lartë, është duke u ndërtuar sakaq nga ushtria, për të mbajtur larg emigrantët e shumtë.
Qeveria  hungareze do të marrë  edhe masa të tjera kundër refugjatëve. Po përgatitet një projektligj, që me të gjitha gjasat do të marrë dritën jeshile të Parlamentit këto ditë, i cili parashikon dënime të ashpra për këdo që kalon kufirin.

Shkelja e paligjshme e kufirit do të ndëshkohet me 3 vite burg, ndërsa dëmtimi i barrierës mbrojtëse bart në vetvete një dënim prej 5 vitesh heqje lirie, sipas këtij projektligji. Nisma në fjalë parashikon edhe një zonë internimi për refugjatët në kufi. Forcat e policisë kufitare do të shtohen gjithashtu në numër, nga 1000 që janë aktualisht, në 3000 duke nisur nga 1 shtatori.

Vetëm këtë javë, në Hungari kanë kaluar nga Serbia rreth 10 mijë emigrantë. Vendi shihet nga emigrantët si një portë hyrëse për në Bashkimin Europian dhe zonën e lëvizjes pa viza të Schengenit, e shumica i kanë shpresat që të sigurojnë azil në vende perëndimore, si Gjermania apo Suedia.





Lajmet e fundit nga