Varoufakis: Greqia, laborator i Gjermanisë për të shkatërruar Francën

24 Gusht 2015, 08:34, Aktualitet CNA

Ish-ministri i Financave në Greqi, Yanis Varoufakis, ka dhënë një intervistë për “Le Monde”, ku ka folur për marrëveshjen e re me kreditorët. Ndërsa, artikulli hapet me një fjali interesante për ish-ministrin grek. “Provokues, idealist, arrogant. Yanis Varoufakis, ish-ministër i Financave greke të magjeps apo të bezdis?”, është fjalia e parë e shkrimit. Por ajo çka të bën më shumë përshtypje teksa e lexon është akuza që ai hedh ndaj shtetit gjerman dhe kryesisht ndaj ministrit të saj të financave, Wolfgang Schauble. Marrëveshjen e shtetit helen me partnerët ndërkombëtarë, Varoufakis e shikon si një kapitullim.

Sipas tij, me këto kushte Gjermania po kërkon daljen e Athinës nga Eurozona me objektivin e vetëm që të godasë Francën. ?Nëse Greqia ka ndërmend ta aplikojë këtë memorandum dhe reformat që e shoqërojnë atë nuk do pasojë tjetër gjë përveç ?Grexit?.

Kjo ndodh, ngaqë ky program është konceptuar që prej fillimit për rrënimin e ekonomisë tonë. Duket qartë se në fund ne nuk mund t?i përmbahemi dot premtimeve dhe kjo do i japë mundësinë Schauble të na akuzojë dhe të presë ndihmat ndaj vendit tonë. Objektivi, nuk është tjetër veç daljes së Greqisë nga Euro?, është shprehur Varoufakis.

Po përse do e donte ministri gjerman këtë rezultat aspak pozitiv për të ardhmen e Europës? ?Për t?iu vënë pas Francës. Shteti social francez, të drejtat e tij të punësimit dhe ndërmarrjet e saj janë objektivi i vërtetë i ministrit të Financave të Gjermanisë. Ai e konsideron Greqinë, në këtë rast si një laborator osteriteti, ku mund të eksperimentojë memorandumin e tij para se ta eksportojë atë. Frika e një ?Grexit? ka si qëllim rezistencën e shtetit francez?, shton ish-ministrit grek i Financave. Sipas Varoufakis, objektivi i ish-Trojkës dhe memorandumi i ri është ai i gjunjëzimit të vendit, duke mos i bërë të aftë të paguajnë borxhet që kanë.