E fundit!

22:04 Politikë

Ali Ahmeti për protestat: Nuk mbroj Ramën, armiqtë e kombit po krijojnë pasiguri

Kreu i Bashkimit Demokratik për Integrim, Ali Ahmeti, ka r...

Kryebashkiaku i Tiranës, Erion Veliaj prezanton adminstratorin e Farkës. Premton investime të mëdha.

21 Gusht 2015, 17:19, Politikë CNA

Kryetari i Bashkisë së Tiranës, Erion Veliaj, prezantoi administratorin e njësisë Farkë, Admir Abrija.

Veliaj deklaroi se në Farkë do të ketë investime të mëdha. Do të ndërtohet terminali lindor i autobusëve, si një mënyrë për të disiplinuar trafikun e Tiranës dhe për të shmangur ndotjen që shkaktojnë automjetet.
?Kemi vendosur që terminali lindor i autobusëve që vijnë nga zona e juglindjes së Shqipërisë, Pogradeci, Korça apo veriu i Greqisë, të jetë në zonën e Farkës. Është një mënyrë se si ne disiplinojmë trafikun në Tiranë dhe se si shmangim skenat e shëmtuara që shkaktojnë trafik dhe ndotje në qytet. Duke pasur një terminal në zonën e Farkës, disiplinojmë trafikun, por i kthejmë edhe një vlerë kësaj lagjeje të re të Tiranës, duke u siguruar që kemi një sistem modern të disiplinimit të të gjithë transportit publik në qytet?, deklaroi kreu i Bashkisë së Tiranës.

Veliaj gjithashtu inspektoi edhe punimet për Liqenin e Farkës, ku edhe deklaroi se ky liqen do të jetë njëri nga 5 parqet e Tiranës.

?Më vjen mirë gjithashtu, që sot inspektojmë punimet për Liqenin e Farkës. Dua të falënderoj kompaninë dhe Fondin Shqiptar të Zhvillimit, për faktin se në Liqenin e Farkës ne shohim një potencial fantastik, duke qenë se është rreth dy herë sa sipërfaqja e Liqenit të Tiranës. Kjo do të thotë se kemi dy herë mundësi për të pasur një zonë rikrijuese, çlodhëse, shumë më pranë qendrës së Tiranës, duke u siguruar se parku i Liqenit të Farkës plotëson premtimin dhe angazhimin tonë për 5 parqet e Tiranës: parkun e Vaqarrit, Kasharit, Liqenit të Tiranës, parkun e Dajtit dhe tani të Farkës, si një mundësi për të shënjuar një diferencë nga politikat që janë investuar kryesisht në beton, në një politikë lokale të Tiranës që e zëvendëson 4 vjeçarin e betonit me një perspektivë të 5 parqeve të qytetit të Tiranës?.