web counter
LEXO PA REKLAMA!

SHKARKO APP

App Store
Google Play

E fundit!

x

Bashkia, aksion per lirimin e hapesirave publike ne njesine numer 5

17 Gusht 2015, 14:30, Sociale CNA

Bashkia e Tiranës nis rehabilitimin e njësisë nr.5, paralelisht me aksionin për lirimin e hapësirave publike. Nënkryetari i Bashkisë së Tiranës, Arbjan Mazniku, gjatë inspektimit të sotëm tha se aksioni do të vijojë pa asnjë kompromis deri në rikuperimin e hapësirave publike. ?Ky është një aksion që ka nisur e nuk ka për të ndaluar derisa ne të rikuperojmë çdo hapësirë publike, e cila duhet t?i rikthehet qytetit. Nuk bëjmë kompromis me zhulin. Do i kthejmë qytetit çdo hapësirë të mundshme, që është zënë nga pisllëqet e papastërtitë apo çdo hapësirë që një individ ia ka marrë qytetarëve?, u shpreh Mazniku. Nënkryetari i Bashkisë së Tiranës tha se në ditët në vijim të gjitha hapësirat ku është ndërhyrë do të riparohen me shpejtësi maksimale, në mënyrë që të kthehen në mjedise publike dhe të këndshme për qytetarët. ?Qytetarët janë tej mase mbështetës dhe pozitiv në gjithë këtë sipërmarrje dhe ne besojmë se kjo është një çështje që, ashtu siç ka vijuar gjatë gjithë kësaj kohe, duhet bërë me bashkëpunimin e të gjithë qytetarëve, pasi është një sipërmarrje e përbashkët, për t?i rikthyer qytetit ato hapësira që janë të të gjithëve?, tha Mazniku. Më tej ai bëri me dije se plani i ndërhyrjeve në njësinë 5 është gjashtë javor dhe se pas kësaj faze, do të fillohet paralelisht me disa njësi. Sipas tij, ky është një moment kur po shikohet se si do të funksionojë ky plan, në mënyrë që Bashkia e Tiranës të operojë më mirë në zonat e tjera ku do të ndërhyhet.





Lajmet e fundit nga