E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Vasili: Konstituim sa me i shpejte ne te gjitha njesite, vonesat kosto per turizmin

10 Gusht 2015, 13:32, Sociale CNA

?Do të kërkohet konstituimi sa më i shpejtë dhe i plotë i të gjithë njësive të tjera të qeverisjes vendore të dala pas 21 qershorit. Çdo vonesë në konstituimin e tyre do të thotë shërbime më pak, apo shërbime të munguara për turizmin?. Kështu tha sot në një dalje për mediat kreu i grupit parlamentar të Lëvizjes Socialiste për Integrim, Petrit Vasili i cili u shpreh Shqipëria e tëra është përfshirë në një moment të një intensiteti turistik të jashtëzakonshëm. Ai deklaroi se ky moment pozitiv, ka shënuar frytet e mira pozitive të një politike promovuese të mirë për Shqipërinë turistike, ku mijëra turistë vendas janë tashmë frekuentues të bukurive turistike shqiptare, por dhe një numër shumë i rëndësishëm të huajsh ndodhen në Shqipëri për të pushuar. ?Ne jemi së bashku këtu për të evokuar një bashkëpunim shumë më intensiv mes pushtetit qendror, por edhe atij lokal, i cili sapo u formësua sipas një mënyre të re shumë më efikase pas 21 qershorit për t?u përballur me këto probleme, në mënyrë të veçantë ato që kanë të bëjnë me furnizimin me energji elektrike ku mungesa të shumta janë vërejtur nëpër mjaft qendra turistike, por gjithashtu edhe problemi që ka lidhje me furnizimin me ujin e pijshëm, por dhe të trajtimit problematik tashmë të mbeturinave, si përgjigja më e mirë për një Shqipëri që bëhet gjithmonë e më atraktive dhe e cila synon që të ketë sezone të gjata turistike?, u shpreh Vasili. Ai tha se kjo do të thotë në radhë të parë dhe mbi të gjitha, të ardhura shumë më të mëdha nga ky sektor strategjik. Sipas tij, Shqipëria sot në këtë moment intensiv turistik ndahet në një mori mijëra njerëzish që kanë të drejtën të pushojnë dhe ta përfitojnë, por edhe në një grup tjetër që duhet të sakrifikojë për këtë mbarëvajtje të këtij turizmi kombëtar i cili e ka të pamundur të pushojë e duhet të jetë në krye të detyrës. I pyetur nga gazetarët lidhur me politikën në tatime dhe taksa dhe kritikat e LSI për këtë çështje, Vasili u shpreh se çdo gjë është në dritën e një analize të kujdesshme dhe se ambicia për t?u përmirësuar është edhe ambicia më e mirë dhe më modeste që çdo qeveri duhet të ketë. Pyetjes nëse ka përçarje në koalicionin PS-LSI, ai ju përgjigj me fjalët, ?Marrëdhënia jonë është një marrëdhënie që ndërtohet mbi mekanizma politikë, ecën nën udhën e një konstruktiviteti tashmë evident për të tërë. Të një korrektese e cila ka dhënë prova të pafundme të respektimit të saj përsa i takon LSI dhe besoj që konstruktiviteti dhe korrektesa janë dhe duhet të jenë shinat ku mund të vazhdojë të qëndrojë në mënyrë solide si deri më tani, një aleancë, një bashkëpunim politik, por njëkohësisht dhe ndërtimi i një modeli politik bashkëpunimi i cili çon përpara jo thjesht e vetëm aleancën, por çon përpara në radhë të parë ato objektiva të mëdha për qeverisjen e vendit që aleanca i ka vënë vetes?. Ndërsa pyetjes nëse LSI është e kënaqur me performancën e ministrave ai shtoi se, është detyra dhe tagri i Kryeministrit ta vlerësojë dhe ta bëjë një gjë të tillë. ?Megjithatë, rezultatet e qeverisë janë të qarta dhe të dukshme dhe unë nuk kam parë ndonjë problematikë, nga ajo distancë që unë kam me këtë çështje?, deklaroi Vasili.