web counter
LEXO PA REKLAMA!

SHKARKO APP

App Store
Google Play

E fundit!

x

Mashtrimi i Lindita Nikollës, ja shkresa ku i jep doktoratura Henri Çilit

23 Korrik 2015, 07:24, Aktualitet CNA

Henri Çili nuk po tregon asnjë grimë mëshirë për ministren në letra të Arsimit, Lindita Nikolla, e cila tashmë është shndërruar në sekretare të interesave të beniaminit të SHQUP, që ka ngritur piramidën universitare më të madhe private në Shqipëri. Mashtrimet, arroganca, sëkëlldisjet dhe nervozimi i ministres së Arsimit, për interesa të Henri Çilit, kanë marrë të tjera përmasa. Pa iu mekur zëri dhe lëkundur shikimi, ministrja e Arsimit Lindita Nikolla deklaroi para shqiptarëve në Parlament se nuk i ka dhënë asnjë doktoraturë UET së Henri Çilit, duke thekuar në të njëjtën kohë se nuk bllokuar doktoraturat për universitetet publike.

Gazeta ?SOT? disponon shkresa zyrtare, vendime dhe akte që konfirmojnë të kundërtën, se Nikolla i ka dhënë doktoratura UET, ndërsa ka bllokuar kuotat për universitetet publike. Vetëm një ministre që është shkolluar një universitet i shkrirë si piramidë arsimore, merr guximin dhe artikulon një deklaratë të tillë. Vetëm një ministre që është kapur me kopje në provim kërcënon, etiketon dhe shantazhon në bllok profesorët, disa prej të cilëve japin mësim në Francë si dhe janë doktoruar në universitetet më prestigjoze të Evropës.

Po si qëndron e vërteta e doktoraturave? Ka akte, ka vendime, ka deklarata me zë dhe figurë, ka shkresa zyrtare etj., që konfirmojnë se gjatë dy viteve të fundit, Ministria e Arsimit ka bllokuar kuotat për zhvillimin e programit të ciklitit të tretë (doktoraturë) për të gjithë universitetet publike në Shqipëri, duke i akredituar programe të reja dhe dhënë kuota Universitetit Evropian të Tiranës. Me argumentin se një profesor udhëheq 40 doktorantë, ministrja Nikolla ka bllokuar prej dy vitesh doktoraturat për të gjithë universitetet publike, duke i dhënë Henri Çilit, monopolin e doktoraturave në Shqipëri. /Sot





Lajmet e fundit nga