web counter
LEXO PA REKLAMA!

SHKARKO APP

App Store
Google Play

E fundit!

x

Shkoder, arrestohet mjeku psikiater per korrupsion, procedohet edhe denoncuesi

9 Korrik 2015, 07:08, Kronika CNA

Një mjek psikiatër u arrestua sot në Shkodër pasi akuzohet se ka shpërdoruar detyrën dhe ka kërkuar para në këmbim të shërbimit për të cilin paguhet nga shteti. Kurse denoncuesi po procedohet penalisht dhe rrezikon burg e gjobë pasi i tregoi policisë aktin korruptiv. Nga efektivat e Komisariatit të Policisë Shkodër, u bë prangosja me iniciative për shtetasin Gjon  Preçi, 51 vjeç, banues në Shkodër. Policia lokale tha zyrtarisht se veç prangosjes së mjekut psikiatër, filloi proçedimi penal në gjendje të lirë edhe për shtetasin V.K., 62 vjeç, banues në Kukës. Interesant është fakti se procedimi penal për 62 vjeçarin erdhi pasi ishte vetë ai që denoncoi aktin korruptiv. ?Pas kallëzimit të shtetasit  V.K., ndaj shtetasit Gjon Preçi i cili ka shpërdoruar detyrën dhe ka kërkuar para në këmbim të shërbimit, u bë ndalimi me iniciativë i shtetasit Gjon  Preçi. Materialet i kaluan Prokurorisë së Rrethit Gjyqësor Shkodër, në ngarkim të shtetasit Gjon Preçi për veprat penale të “Shpërdorim detyre” dhe “Korrupsion pasiv i përsonave që ushtrojnë funksione publike” dhe për shtetasin V.K.,  për veprën penale të “Korrupsion aktiv ndaj personit që ushtron funksione publike”. Kështu, 62 vjeçari rrezikon sipas këtij neni, të dënohet me burgim nga gjashtë muaj deri në tre vjet dhe me gjobë nga treqind mijë deri në një milion lekë.





Lajmet e fundit nga