E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Këshilla për dobësim të shpejtë

23 Qershor 2015, 16:00, Lifestyle CNA

Gjithnjë e më aktual është trendi i pirjes së kafes e cila është e stërmbushur me kalori, sheqer, yndyra, kështu që duhet ta shmangni atë. Thoni ?jo? edhe lëngjeve, pijeve të gazuara dhe pijeve tjera të pasura me sheqer

Nëse dëshironi që të keni linjë të mirë, atëherë ju këshillojmë se si ta ndryshoni mënyrën e ushqimit. Nutricionisti i njohur amerikan, Joy Bauer, rekomandon pesë mënyra se si të filloni dobësimin.

Kaloritë e lëngshme

Këshilla: Në vend të kafes e cila është më shumë desert, se sa pije, zgjidhni kafen e thjeshtë. Apo espreson e gjatë. Pini ujë të thjeshtë. Shtoni pak limon apo portokall, shkruan gazeta Zeri.

Ndaleni televizorin

Harroni telepilotin dhe dilni jashtë. Ulja para TV-së është shumëfish e dëmshme, dhe në ato momente më së shpeshti zgjidhni që të hani ushqim jo të shëndetshëm.

Këshilla: Le të jetë koha e mirë frymëzim për ju. Edhe ecja më e shkurtër është rekreacion. Nuk do të fusni kalori, mendimet do t?i drejtoni në aktivitete tjera, kështu që do të jeni në minus me kilogramë.

Shujtën fillojeni me supë

Edhe pse jeni të uritur, mos u nguteni dhe të hani menjëherë ushqimin kryesor. Uji dhe supat janë zgjidhje e mirë për paragjellë, pasi që barku do të mbushet, kështu që do të hani më pak.

Këshilla: Shujtën fillojeni me supë. Zgjidhja më e mirë është ajo e pulës.

Shmangni karbohidrate

Disa ditë në javë mos hani ushqime të pasura me karbohidrate. Bukën, pastat në tërësi hiqeni nga menyja, së paku njëherë në javë.

Këshilla: Në vend të karbohidrateve hani perime të freskëta apo ushqimin e pasur me proteina. Kjo do të ketë ndikim të mirë në sistemin tuaj të tretjes.

Mbylleni kuzhinën

Edhe pse ditët janë shumë të gjata dhe koha deri në mbrëmje, deri në gjumë, është shumë e vështirë të kalohet pa ngrënien e gjërave të ndryshme, mbylleni kuzhinën pas shujtës së fundit. As mos gaboni të ktheheni në këtë hapësirë.

Këshilla:Nëse ju zë kriza, pini një gotë të ujit të thjeshtë apo një filxhan me çaj të bimëve. Lani dhëmbët. Frymëmarrja e freskët dhe shija e pastës në gojë do të duhet ta zvogëlojë dëshirën për ushqim.