web counter
LEXO PA REKLAMA!

SHKARKO APP

App Store
Google Play

E fundit!

x

Rama ne Belsh ironizon fushaten e kundershtarit: Jane bere si Sudja

15 Qershor 2015, 14:02, Politikë CNA

Kryeministri Edi Rama, deklaron se në 21 qershor votohet për familjen dhe për problemet jashtë gardhit të shtëpisë, ndërsa ironizon fushatën e kundërshtarëve politikë. ?Isha në Sarandë dhe pyes se çfarë pune bën kandidati i PD-së. Borizan, më thanë. Për shkollë, shkoi një vit në shkollë ushtarake. Shkova në Konispol dhe pyes edhe aty se çfarë pune bën kandidati i PD-së. Saldator, më thanë dhe nuk ka shkollë, por ka një saldatriçe. Dhe vazhdon loja. Shkoj në Vlorë. Kandidati i tyre jurist me Kristal. Me këta, në 22 qershor do bëhet hataja dhe ju do t?i keni dritat qyl, taksa jo dhe të gjithë do të marrin çfarë të duan! As Sudja, në qoftë se do të drejtonte sot Partinë Demokratike, nuk do të bënte një fushatë kaq qesharake dhe nuk do t?i merrte njerëzit për budallenj, saç po i merr Luli?, thotë kreu i PS. Në një takim elektoral në Belsh, në mbështetje të kandidatit Arif Tafani, kreu i qeverisë u shpreh se kandidati i majtë ofron mbështetje të madhe për zonën, për të cilën u shpreh se është braktisur dhe harruar në shumë vite. ?Janë pesë komuna këtu, të cilat janë një dëshmi ulëritëse e faktit që Partia Demokratike është një forcë në parlament për llafe, por jo për punë, sepse kudo ku i jep një shesh, bën një përshesh. Dy herë që patën mundësinë ta qeverisnin Shqipërinë, një herë e fundosën në gërmadhën e piramidave dhe herën e dytë, për pak na hodhën në humnerën e borxheve dhe kolapseve energjetik. Nëpër komunat ku drejtojnë, drejtojnë nëpërmjet ca agallarësh ordinerë, të cilët nuk kanë bërë asnjë punë tjetër përveçse janë marrë me grabitje pyjesh, me grabitje kullotash, grabitje tokash, me tjetërsime pronash, me grabitje fondesh?, tha Rama. Ai garantoi më tej se pas 21 qershorit, kryetarët e majtë të bashkive do të bëjnë auditimin e gjithë veprimtarisë së komunave dhe këta agallarët e Belshit do të ballafaqohen me Drejtësinë.





Lajmet e fundit nga