E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Bozho: Motoja jonë, 'Bashki – Biznes / Partnerë të Përhershëm'

15 Qershor 2015, 06:52, Politikë CNA

Kandidati i Partisë Demokratike për bashkinë e Sarandës, Kreshnik Bozho ka prezantuar programin e tij për politikat ekonomike që do të ndiqen nga Bashkia e Re Sarandë dhe do të kenë si synim përmirësimin dhe lehtësimin e klimës së biznesit, krijimin e kushteve optimale për hapjen e bizneseve të reja, rritjen e punësimit, rritjen e performancës së shërbimeve, njëkohësisht rritjen e të ardhurave.

Programi i kandidatit Kreshnik Bozho për biznesin

Rrethi i Sarandës ka 2215 biznese gjithsej, nga të cilët 73% janë të vendosura në qytetin e Sarandës. Ndër degët më kryesore të ekonomisë në Sarandë dhe në Ksamil mund të përmenden bujqësia, industria dhe shërbimet. Shërbimet në Sarandë dhe në Ksamil janë të lidhura ngushtë me sektorin e turizmit. Ndërkohë që industria është e lidhur më shumë me produktet ushqimore, të tilla si përpunimi i vajit, përpunimi i agrumeve, përpunimi i produkteve blegtorale etj. Ksamili, vlen për t?u përmendur per një zhvillim më të avancuar në sektorin e bujqësisë, ndërkohë që Saranda ruan karakteristika më të mirëfillta të ekonomisë urbane. Gjithashtu, si rrjedhojë e faktit që është qendër e rrethit, shumë funksione administrative kanë mbetur në Sarandë. Porti dhe peshkimi gjithashtu luajnë një rol të rëndësishëm në ekonominë vendase.

Saranda ka një shkallë të lartë papunësie, gjithsesi ajo vazhdon të mbetet një ndër qëndrat kryesore urbane dhe ekonomike të rajonit jugor. Mesatarisht 30% e të punësuarve në zonat jashtë qytetit të Sarandës veprojnë në sektorin e bujqësisë, ndërkohë që pjesa tjetër janë të shpërndarë në mënyrë të balancuar në shërbime, tregëti dhe ndërtim. Punësimi në qytetin e Sarandës mbizotërohet nga shërbimet (43%), i ndjekur nga tregëtia (23%).

Partneritet i ri Bashki-Biznes

Politikat ekonomike që do të ndiqen nga Bashkia e Re Sarandë, do të kenë si synim përmirësimin dhe lehtësimin e klimës së biznesit, krijimin e kushteve optimale për hapjen e bizneseve të reja, rritjen e punësimit, rritjen e performancës së shërbimeve, njëkohësisht rritjen e të ardhurave. Motoja që do të na udhëheqë në vizionin tonë të zhvillimit ekonomik do të jetë:

Bashki ? Biznes / Partnerë të Përhershëm

Ky vizion do te konkretizohet me format e mëposhtme të bashkëpunimit:

Zhvillimin infrastrukturor rajonal si krijimi i parqeve logjistike, krijimi i tregjeve bujqësore dhe industriale, me parametra bashkëkohore, që do të ofrojnë kushte më të mira punësimi dhe shërbim më cilësor për qytetarët.