web counter
LEXO PA REKLAMA!

SHKARKO APP

App Store
Google Play

E fundit!

x

Basha: Korca do punë dhe dinjitet jo kulla korrupsioni

15 Qershor 2015, 20:57, Politikë CNA

Edi Rama sillet sot si vëllai binjak i Sudes, në një piramidë të stërmadhe mashtrimesh. Edi Sudja premtoi punësim dhe solli shpunësim, premtoi taksa të ulëta dhe solli taksa të larta, premtoi ulje të çmimit të energjisë dhe solli rritje të çmimit të energjisë.
Interesi i oligarkisë janë, vilat, interesi i oligarkisë janë hotelet, interesi i oligarkisë janë fundjavat e luksit në Europë, në të njëjtën Europë që ku kanë nisur si refugjatë qytetarët e vet. Interesi i oligarkisë është kulla e korrupsionit në Korcë që është bërë me lekët tuaja, me djersën tuaj, me gjakun tuaj.Sa probleme mund të zgjidheshin me paratë që hodhi në këtë kullë? Sa familje mund të ndihmoheshin, sa njerëzve mund t?u vihej në ndihmë, por jo, vendosi të bëjë kullën, dyfish më shtrenjtë, sepse gjysma e parave zhduket në xhepat korruptivë. Nuk e sheh popullin e vet, nuk e dëgjon popullin e vet. Ne i themi ku i ke taksat e ulura, ky thotë kam mbjellë palma, ne i themi ku e ke energjinë e ulur, ky thotë kam bërë kullën, ne i themi ku i ke 300 mijë vendet e punës. Vlonjatët nuk guxoi t?i shohë në sy e mos t?i thoshte të vërtetën. E tha më në fund mbrëmë, e pranoi më në fund papunësinë. E pranoi varfërinë, e pranoi mjerimin, s?ka nga të shkojë. Populli e ka rrethuar, hallet tuaja, problemet tuaja, nuk mund të injorohen
Në zgjedhje populli vendos dhe populli vendos për hallet më të mëdha dhe hallet më të mëdha janë papunësia, janë varfëria, janë çmimet e larta, janë taksat e larta, janë rrogat e pensionet, është puna dhe dinjiteti juaj. Me votë vendosim së bashku një paketë shpëtimi për Shqipërinë për të ulur me 25% çmimin e energjisë, për të vendosur taksën e sheshtë më të ulët në Ballkan, për rrogat dhe të ardhurat dhe për taksat e biznesit në mënyrë që paratë të mos shkojnë në xhepat e oligarkisë, siç janë zhdukur 150 mln dollarë nga doganat shqiptare, në këto 5 muaj 150 milion dollar që duhet të ishin në xhepat tuaja, në tavolinat e fëmijëve tuaj dhe që sot janë konta të majmura të oligarkisë dhe të bandës, të votojmë pra për uljen e taksave, të votojmë për rritjen e rrogave dhe pensioneve, të votojmë paketën tonë për të ulur me 20% çmimet e miellit, sheqerit, orizit, vajit, qumështit, mishit, vezës sepse ky është një problem i madh, mbyllja e muajit, blerja e ushqimeve që këta nuk e shohin dot, të heqin TVSH-në për ushqimet.





Lajmet e fundit nga