web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet vendimi i gjykatës/ Elvis Roshi i dënuar për plagosje me armë

11 Qershor 2015, 10:53, Aktualitet CNA

Kryetari i Bashkisë së Kavajës është një ndër emrat e denoncuar nga opozita si person me precendentë kriminalë. Dyshime janë hedhur se e shkuara e tij kriminale e ka bërë të ndryshojë edhe emrin. Babai i tij do të pohonte pak kohë më parë në një intervistë televizive se ai e kishte emrin Ervin. Kryebashkiaku i Kavajës dhe kandidat i mazhorancës për një mandat të dytë rezulton i dënuar në vitin 2000 nga gjykata e shkallës së parë të Kavajës. Ai është dënuar në mungesë për plagosje me dashje. Ky dokument vërteton se prokuroria ka kërkuar dënimin me 2 muaj burg për plagosje dhe armëmbajtje pa leje për Ervin Roshin, të birin e Azemit dhe Nasijes, i datëlindjes 1979, lindur dhe banues në Kavajë, i papunë dhe me arsim të mesëm. Vendimi është dhënë nga gjyqtari Osman Aliu dhe anëtarët Astrit Haxhialushi dhe Arben Mullaj me 18.09.2000. Avokati mbrojtës në seancë ka qenë Luan Mansaku, ndërsa prokurori Musa Mulkurti. Opozita ka hedhur dyshime se Roshi figuron të ketë pasur probleme me drejtësinë edhe në Itali. Por deri tani këto pretendime nuk janë vërtetuar. Me këtë dokument vërtetohet vetëm se ai është dënuar nga gjykata në Shqipëri, me gjobë, për plagosje dhe armëmbajtje pa leje. Lapsi.al mësoi se ky dokument i gjykatës që e shpall fajtor Elvis Roshin për dy vepra penale, të plagosjes dhe armëmbajtjes pa leje, ka mbërritur në zyrën e Prokurorit të Përgjthshëm, Adriatik Llalla. Kryeprokurori kërkoi pak javë më parë nga të gjitha prokuroritë në rrethe informacione për të gjithë kandidatët në garë për zgjedhjet e 21 qershorit. Ky informacion u kërkua në kuadër të dekriminalizimit dhe pas alarmit të dhënë nga ambasada amerikane në Tiranë se në listat e partive ka kandidatë me të shkuar kriminale. Partia Socialiste dhe vetë kryeministri Rama i kanë mohuar akuzat se Elvis Roshi ka patur precedentë kriminalë. Lapsi.al





Lajmet e fundit nga