web counter
LEXO PA REKLAMA!

SHKARKO APP

App Store
Google Play

Jahjaga: Ngjarjet e fundit deshmojne per nevojen e bashkepunimit ndershteteror

8 Qershor 2015, 14:48, Kosova & Bota CNA

“Ne akoma vazhdojmë të mbesim peng i mosrealizimit të plotë të reformave që na janë vënë përpara si kushte, plotësimi i të cilave do të aftësonte vendet tona për të qenë kandidate të denja për anëtarësim në Bashkimin Evropian, dhe do të transformonte rajonin dhe shtetet tona të veçanta në vende atraktive të investimit të huaj.
Derisa një pjesë e këtyre reformave janë plotësisht çështje e brendshme e shteteve tona dhe institucioneve që drejtojnë ato, një pjesë e tyre varet nga vullneti ynë për të bashkëpunuar në mënyrë pragmatike për të çuar përpara rajonin në përgjithësi dhe shtetet tona në veçanti.
Konsensusi dhe përcaktimi ynë i përbashkët për t?u bërë pjesë e Bashkimit Evropian nuk mund të mbetet vetëm deklarativ. Ky orientim ngërthen edhe përgjegjësi, veçmas të tilla që kërkojnë përmbajtje nga retorika dhe idetë që e ka stagnuar dhe izoluar këtë rajon për tri dekadat e fundit. Unë, si Presidentja e shtetit më të ri në rajon, dua të besoj fuqimisht që ky përcaktimi strategjik është i paalternativë dhe që nuk do të devijojmë nga ky cak për shkak të politikave të së kaluarës dhe agjendave ideologjike dhe ditore.

Është e qartë që realiteti që na rrethon shpesh nuk është i lehtë. Ngjarjet e këtij viti në rajon dëshmojnë një domosdoshmëri për bashkëpunim ndërshtetëror, sidomos në aspektin ekonomik dhe fushën e sigurisë, dy dimensionet më të theksuara të varshmërisë tonë me njëri-tjetrin”, tha Jahjaga.

 





Lajmet e fundit nga