web counter
LEXO PA REKLAMA!

SHKARKO APP

App Store
Google Play

E fundit!

x

Doshi-Gjinushi-Prifti fushatë në Fier dhe Shkodër, thirrje socialistëve të pakënaqur të bashkojnë votat

6 Qershor 2015, 06:26, Politikë CNA

Mazhoranca qeverisëse mund të humbasë dy qendrat më të mëdha urbane në Veri dhe Jug të Shqipërisë, jo për shkak të dominimit dhe forcës së opozitës, por për shkak të konflikteve brenda së majtës dhe shpërfilljes së influencës së faktorëve të majtë, të mbetur jashtë aleancës së pushtetit.

Më shumë se sa nga Sali Berisha dhe i gjithë kampi i tij i djathtë, shumica në pushtet, në zgjedhjet e 21 Qershorit, rrezikohet nga tre personazhe të së majtës, konkretisht nga Skënder Gjinushi, Tom Doshi dhe Dritan Prifti.   Aleati tradicional i socialistëve, Skënder Gjinushi, deputeti Tom Doshi dhe ish-ministri i Ekonomisë, Dritan Prifti, i kanë përqendruar energjitë e tyre politike në Bashkinë e Fierit dhe Bashkinë Shkodrës, dy njësitë më të mëdha në Veri dhe Jug të vendit. Përpos Tiranës, Fieri dhe Shkodra do të jenë përcaktuese edhe për fituesin e përgjithshëm të zgjedhjeve të 21 Qershorit. Pasigurinë më të madhe Partia Socialiste e ndjen në Bashkinë e Shkodrës, ku ditët e fundit, diferenca mes dy kandidatëve është ngushtuar.

Përfaqësuesit e PS në Shkodër gjithçka e lidhin me angazhimin e Tom Doshit në fushatë, i cili ka trazuar dhe turbulluar ujërat në njësinë vendore më të madhe të Veriut. Pas shfaqjes në Vaun e Dejës, në krah dhe në mbështetje të kandidatit të PS, Tom Doshi tashmë ka nisur të shfaqet në zonën e Bashkisë së Shkodrës. Deputetët e PS, prezencën e ish-kolegut të tyre në Shkodër e kanë lexuar si lëvizje kundër Keti Bazhdarit, për të cilën Doshi ka thënë se është kandidate e LSI.   Partia Socialiste i trembet impaktit të Doshit në Bërdicë dhe Velipojë, ku deputeti ka një influencë të madhe.

Sipas burimeve, Doshi do të shkojë sot për fushatë në Vaun e Dejës, por ai është parë edhe në dy zonat, që i përkasin Bashkisë së Shkodrës. Akuzat e Paulin Sterkajt, të artikuluar disa ditë më parë, në adresë të deputetit Doshi, konfirmojnë se PS është thellësisht e shqetësuar. Por, cila është lidhja e Doshit me Gjinushin dhe Dritan Priftin. Sipas burimeve, partia e Gjinushit, pritet të marrë një rezultat surprizë në Shkodër, sa i takon votës për këshilltarë, për shkak të influencës së Doshit. Vetëm dy ditë më parë, Gjinushi u ka bërë thirrje të gjithë të zhgënjyerve dhe të pakënaqurve të PS të votojnë PSD.     Bashkia e Fierit    Edhe pse diferenca mes PS dhe PD në Fier është e madhe, kandidimi i ish-deputetit të PS, Albert Çaçi, në siglën e partisë së Skënder Gjinushit, ka krijuar një pasiguri në selinë rozë.

Shanset që të fitojë Çaçi pothuajse nuk ekzistojnë, por kandidati i Gjinushit mund të çojë Partinë Socialiste drejt humbjes në Fier. Në krah të Çaçit është shfaqur ditët e fundit edhe Dritan Prifti, i cili pretendon se ka mbështetje në Fier. Ndërkaq, Partia Socialiste nisi një betejë në Komisionin Qendror të Zgjedhjeve dhe Kolegjin Zgjedhor, për të përjashtuar kandidatët e Gjinushit nga zgjedhjet. Por pavarësisht përpjekjeve, PS arriti t?i përjashtojë kandidatët vetëm në dy bashki, në Malësinë e Madhe dhe në Prrenjas. Aktualisht, Gjinushi garon me 7 kandidatë për kryetar bashkish.





Lajmet e fundit nga