web counter
LEXO PA REKLAMA!

SHKARKO APP

App Store
Google Play

E fundit!

x

OSBE/ODIHR : Asetet e shtetit dhe administrata po përdoren në fushatë, KQZ vendime të dyshimta

6 Qershor 2015, 06:14, Politikë CNA

Misioni i vëzhguesve të OSBE/ODIHR ka publikuar dje raportin e parë për situatën parazgjedhore në Shqipëri. Edhe pse në hyrje të raportit thuhet se fushata zgjedhore ka nisur dhe po zhvillohet në mënyrë të paqtë, në brendësi ka pasur kritika në drejtim të Komisionit Qendror të Zgjedhjeve dhe mazhorancës.   Vëzhguesit e ODIHR janë shprehur në raportin për vendin tonë se gjatë fushatës janë duke u përdorur asetet shtetërore. Një tjetër theks është vënë tek ndarja e lejeve të legalizimeve në prani të kandidatëve për njësitë vendore, e madje nga kontaktet që janë bërë në terren është konstatuar se ka pasur presione ndaj punonjësve në administratë.

?Fushata që filloi para datës zyrtare të 22 majit, ka qenë e qetë, por e fokusuar në akuza personale. Kjo vihet re më shumë te partitë e mëdha politike. Por gjithashtu janë regjistruar raste se persona që punojnë në administratë janë vënë në presion dhe ka patur keqpërdorim të burimeve shtetërore. Ku janë përdorur ambiente shtetërore për aktivitete fushate, apo edhe që mësues të ndryshëm kanë bërë thirrje për kandidatë të caktuar. Zyrtarë të lartë të Aleancës për Shqipërinë Europiane kanë shpërndarë një numër të madh certifikatash legalizimi gjatë fushatës.

OSBE/ODIHR ka patur evidencë të konsiderueshme për presione ndaj punonjësve publikë, përfshi kërkesa për të marrë pjesë në aktivitete fushate, por edhe kërcënime për largim nga puna nëse nuk votojnë për kandidatë të caktuar?, thuhet në raport.

 





Lajmet e fundit nga