E fundit!

15:45 Aktualitet

46 ditë protestë/ Mbahet sot tubimi i radhës kundër qeverisë

Pasditen e sotme në Tiranë para Kryeministrisë mbahet prot...

Shpërthen Shpëtim Gjika ndaj Ramës: Nuk do hesht më, s’lejoj askënd të përbaltë punën time në Vlorë

2 Qershor 2015, 06:13, Aktualitet CNA

Kreu aktual i Bashkisë së Vlorës, Shpëtim Gjika, ka vendosur të thyejë heshtjen në kulmin e fushatës zgjedhore dhe elektorale, duke i dhënë kështu një sinjal kryeministrit Edi Rama, i cili jo vetëm e përjashtoi Gjikën nga rikandidimi për Vlorën, por ka një perceptim se i ka hapur telashe me drejtësinë. Shpëtim Gjika, i cili disa muaj më parë, paralajmëroi se do kandidonte i pavarur për Vlorën, ka pohuar se nuk do të heshtë më përballë shigjetimeve që vijnë nga partia e tij.

?Të jem socialist ka qenë një zgjedhje e imja, një zgjedhje e bërë me ideal, me shpirt dhe me zemër! Kushdo është i lirë të kritikojë, madje dhe të akuzojë për punën time në krye të Bashkisë Vlorë, por askënd, kushdo qoftë nuk do ta lejoj të përbaltë kontributin tim si socialist i thjeshtë dhe si drejtues- fitues i disa fushatave në Vlorë dhe në Qarkun e Vlorës. Kam zgjedhur të hesht, por jo kurrsesi jo të më shkelin me këmbë! Nuk kërkoj as merita dhe aq më pak mëshirë, thjesht dhe vetëm kujtesë!?, shprehet Gjika në rrjetin social Facebook. Kreu aktual i Bashkisë së Vlorës të gjitha sulmet në drejtim të tij, ai i ka cilësuar sulme me motive politike.

Kryebashkiaku është shprehur me bindje të plotë se arrestimi i tij para disa muajsh, nën akuzën se ka dhënë leje ndërtimi të paligjshme në Vlorë, është një makinacion totalisht politik. Gjika, gjithashtu ka shprehur bindjen e plotë se qytetarët e Vlorës e duan, pasi këtë e ka dëshmuar edhe fitorja e tij në disa fushata elektorale. Gjika pohon se ai si kryebashkiak ka dhënë maksimumin për qytetarët vlonjatë, pasi në rast të kundërt, nuk do të votohej për katër herë resht si drejtues i një prej bashkive më të mëdha të vendit, si ajo e Vlorës. ?Arrestimi im është një skenar politik, por nuk i di ?regjisorët?. Nuk kam abuzuar. Pronarët e pallatit 11-katësh janë autoktonë?, ka pohuar Gjika disa muaj më parë.

Gjika si kandidat i pavarur

Kreu aktual i Bashkisë së Vlorës, Shpëtim Gjika, ka shprehur ambicien për të kandiduar si i pavarur pas prishjes së marrëdhënieve me kryeministrin Edi Rama, të cilin e ka akuzuar drejtpërdrejt si ?regjisorin? e arrestimit të tij. Konkretisht, Gjika është shprehur se ai do dilte të votohej para vlonjatëve për kontributin që ka dhënë deri tani. Madje, ai është shprehur se do të rikandidonte si i pavarur, por jo nën siglën e Partisë Socialiste, të paktën për sa kohë në krye të saj do jetë Edi Rama. Vlen për t?u theksuar se Shpëtim Gjika në shumë raste ka pasur zënka dhe mospërputhje me kryetarin e PS, njëkohësisht kryeministrin Edi Rama, dhe kulmi ka arritur pas fitimit të zgjedhjeve në vitin 2013, kur Gjika përzuri nga mbledhja në zyrat e bashkisë, deputetin Koço Kokëdhima. Pavarësisht ambicies për të kandiduar si i pavarur, Gjika nuk e shpalli kandidaturën e tij për zgjedhjet vendore të 21 Qershorit. Kjo ndoshta për shkak të problemeve të tij shëndetësore, ose ka vendosur që për pak kohë të rrijë larg vëmendjes së medieve dhe politikës. /sot