web counter
LEXO PA REKLAMA!

SHKARKO APP

App Store
Google Play

SHBA, ish-guvernatori i Merilendit kandidon për Shtëpinë e Bardhë

30 Maj 2015, 18:40, Kosova & Bota CNA

Garës në radhët e demokratëve për të qenë kandidati përfundimtar për Shtëpinë e Bardhë në zgjedhjet e vitit të ardhshëm, i është bashkuar një tjetër emër.

Ish-guvernatori i Merilendit, Martin O?Malley njoftoi formalisht kandidaturën e tij duke i mëshuar më shumë luftës ndaj pabarazisë, ekonomike e sociale.

?Ëndrrës amerikane, për shumë nga ne po i kanoset një rrezik?- thotë O?Malley në njoftimin zyrtar, duke u zotuar në ?uljen e hendekut të padrejtësisë në vend?.

Gjatë prezantimit formal, njëri prej biznesmenëve të pranishëm i tha kandidatit më të ri të demokratëve për kreun e Shtëpisë së Bardhë, se do të ndjehej mirë qoftë nën presidencën e Hillary Clinton, qoftë në atë të Jebb Bush.

?Presidenca nuk është një kurorë që kalon vetëm tek dy familje?- tha ai.

O?Malley njihet si kundërshtar i një sërë politikash si ekonomike ashtu edhe sociale të dekadës së fundit. Ai ka kritikuar faktin që asnjë shefi të madh të ?Wall Street? nuk i ka hyrë gjemb në këmbë për krizën e 2008-2009-ës, ndërkohë që të tjerë ?po kalben në burg? për krime shumë herë më të vogla.

?Ekonomia jonë s?janë paratë, ekonomia jonë janë njerëzit!?- është motoja e tij.

Ai thotë se nëse do të zgjidhet president, do të ligjërojë martesat homoseksuale në të 50-të shtetet e Unionit.

O?Malley i bashkohet Hillary Clinton dhe senatorit të Vermontit, Bernie Sanders, si kandidaturat e vetme që kanë njoftuar formalisht ambiciet e tyre brenda demokratëve, ndërkohë që garës pritet t?i bashkohen edhe të paktën dy emra të tjerë, mes tyre ish-senatori i Virxhinias, Jim Webb dhe ish-guvernatori i ishullit Rhode, Lincoln Chafee.

Deri më tani, sondazhet brenda demokratëve favorizojnë Hillary Clinton me 57 përqind të votave, ndërkohë që O?Malley rezulton me vetëm 1 përqind mbështetje. Po sipas sondazheve, 80 përqind e demokratëve pohojnë se nuk kanë njohuri të mjaftueshme rreth O?Malley.

/ Top Channel





Lajmet e fundit nga