E fundit!

12:07 Opinione Ardi Stefa

Ndryshimi mund të presë edhe pak...

Paraqitja e fytyrave të reja në politikë është gjithmonë l...

Eksperti i Brukselit në Tiranë: Ja 7 arsyet se përse nuk duhet të miratohet ligji për arsimin e lartë

10 Maj 2015, 06:36, Aktualitet CNA

Ekspertët e Brukselit hedhin poshtë ligjin Nikolla-Çili për arsimin e lartë në Shqipëri. Në një linjë me drejtuesit dhe përfaqësuesit e universiteteve publike, ekspertë nga Belgjika kundërshtojnë draftin e MAS dhe japin alarmin se nëse ai miratohet do të dëmtojë rëndë arsimin e lartë publik.

Dje ka mbërritur në Tiranë për të dhënë ekspertizën e tij mbi ligjin e arsimit të lartë, eksperti Jan De Groof, pedagog në ?College of Europe? në Belgjikë dhe President i Shoqatës Evropiane për Legjislacionin dhe Politikat Arsimore. Gjatë një tryeze të zhvilluar dje në ambientet e Fakultetit të Historisë dhe Filologjisë, ai ka evidentuar një sërë elementesh negativë në draftin e MAS. Eksperti belg ka përmendur 7 arsye se përse nuk duhet të miratohet siç është ky draft, duke bërë thirrje që të ndërhyhet me qëllim përmirësimin e tij.

Perspektiva Evropiane

Pika e parë problematike sipas Groof është se mungon perspektiva evropiane në këtë ligj. Sipas tij, nuk janë marrë për bazë një sërë dokumentesh të rëndësishme të BE. ?Një dokument i periudhës kërkimore në Evropë nuk paraqitet fare në ligj. Ligji flet për punën kërkimore dhe një dokument kaq i rëndësishëm i punës kërkimore në Evropë duhej të përmendej në ligj. Në nenin 2 të ligjit thuhet se qëllimi i këtij ligji është të krijojë një sistem të unifikuar mësimdhënie dhe kërkimi në universitet. Kjo është e kundërta e prirjeve evropiane në arsimin e lartë?, është shprehur ai. Sipas tij, sistemi arsimor duhet të jetë i diversifikuar dhe jo i standardizuar, pasi kjo sjell shumë dëme në botën universitare. Ai u ka kërkuar deputetëve që ta krahasojnë ligjin me vende të tjera të BE.

Autonomia dhe cilësia

Dy pika të tjera që janë negative në draft, sipas ekspertit belg, janë autonomia dhe kontrolli i cilësisë. Sipas tij, me këtë draft vihet në dyshim autonomia e universiteteve, duke thënë se prezenca shtetërore në institucionet e larta akademike është shumë evidente. Ndërsa sa i përket procesit të kontrollit, ai ka thënë se janë plot 15 nene që duhet të ndryshohen, pasi cenojnë rëndë arsimin e lartë. ?15 nene nuk shkojnë në këtë drejtim me këtë ide qeverisje. Rektori nuk duhet të emërohet nga presidenti. Standardet për kontrollin e cilësisë duhet të jenë në traditën universitare dhe jo të përcaktohen nga ministria?, ka vijuar ai.

Qeverisja dhe mangësitë

Ligji për arsimin e lartë krijon probleme edhe në aspektin qeverisës të universiteteve. Jan De Groof është shprehur dje se nuk qartësohen detyrat e Bordit të Administrimit dhe Senatit. Ai ka mbështetur pedagogët sa i përket Bordit, pasi ka thënë se anëtarët e tij nuk duhet të jenë përfaqësues të ministrisë përgjegjëse. Gjithashtu ka theksuar se ka mangësi në financim dhe të drejtat e pedagogëve dhe studentëve.

Kapitulli 12 dhe auditimi

Në një tjetër pikë që ai është bashkuar me pedagogët është kapitulli 12. Sipas tij, ka defekte që në koncept, ndërsa është shprehur se nuk qartësohet termi i universiteteve private fitimprurëse apo jo fitimprurëse. Ndërsa sa i përket auditimit, ai ka thënë se auditimi duhet të bëhet nga ekspertë të mirëformuar.