web counter
LEXO PA REKLAMA!

SHKARKO APP

App Store
Google Play

E fundit!

x

Parqet e mbrojtura nën kujdesin e Agjencisë Kombëtare të sapokrijuar

2 Maj 2015, 12:50, Aktualitet CNA

Parqet e mbrojtura të Shqipërisë prej shumë vjetësh  janë shfrytëzuar pa kriter nga gjuetia e paligjshme, shfrytëzimi i lumenjve, por edhe nga prerja masive e pyjeve.

Drejtori i Agjencisë Kombëtare të Zonave të Mbrojtura, Zamir Dedej, në një prononcim publik tha se një nga problemet kyçe me të cilat do të hasen është ndalimi i ndërtimit të disa  HEC-eve në zonat e mbrojtura.
?Ka një numër te madh  hidrocentralesh  brenda territorit të zonave të mbrojtura, ku ne duam që të vendosim rregull. Do të bashkepunojme me qeverinë për të ndaluar ndërtimin e hidrocentraleve, për ata që nuk kanë filluar, por për të parë edhe ata që janë ndertuar, për të shmangur dëmet që ata mund të krijojne?, deklaroi Dedej.

Pas vendosjes së moratoriumit të gjuetisë, një tjetër masë duhet marrë për ndaljen e prerjeve të paligjshme të pyjeve. Dedej sqaron se do të lejohet vetëm shfrytëzimi i pyjeve nga banorët e zonës për nevojat e konsumit. ?Do të ketë disa veprime shfrytëzuese që lidhen me pyjet, që mund të jenë si prerja e drurëve ose shfrytëzimi i lejuar, por duke pasur parasysh plotësimin e nevojave të komunitetit që jeton pranë këtyre zonave?, shtoi kreu i agjencisë.

Ndalimi i shfrytëzimit pa kriter i parqeve të mbrotjura është vetëm njëra anë, por beteja tjetër është rikthimi i këtyre parqeve në zona turistike. ?Është parashikuar për vitin 2016 një ndërhyrje e fuqishme nga shteti me rreth 1 milion dollarë për sistemimin dhe rregullimin e qendrave të vizitorëve dhe zyrave të stafit, që do të jenë një hap përpara. Dy ndërhyrje emergjente janë përcaktuar në Llogara dhe te Syri i Kaltër. Jemi në fazën kur po punojmë me strategji të qarta?, sqaroi Dedej.

Kjo agjenci e sapokrijuar, e cila përbëhet nga 220 punonjës, duhet të punojë për rigjallërimin e parqeve, por edhe edukimin e qytetarëve për mënyrën e shfrytëzimit të tyre.





Lajmet e fundit nga