E fundit!

20:21 Aktualitet

Protestuesit nuk harrojnë Veliajn: I erdhi radha e burgut, të mos lirohet

Protestuesit që mbajnë fjalimet e tyre para Kryeministrisë...

Akil Kraja: Kryeministri bllokoi ndërtimin e terminalit, bllokoi punësimin e 1200 qytetarëve

2 Maj 2015, 12:05, Aktualitet CNA

Koordinatori Kombëtar i Partisë Demokratike, Akil Kraja, deklaroi sot nga vendi ku do të ndërtohej terminali multimodal se Edi Rama dhe qeveria e tij e kanë bllokuar këtë projekt. Kraja tha se në një kohë kur vendi vuan varfërinë dhe papunësinë, Edi Rama ka bllokuar çdo projekt dhe iniciativë të Bashkisë së Tiranës. Ai tha se nëse terminali nuk do ishte bllokuar nga kryeministri, aty do të punësoheshin rreth 1200 qytetarë.

Deklarata e plotë e Akil Krajës:

Kryeministri i së keqes vazhdon avazin e talljes dhe poshtërimit të shqiptarëve. Shumica e qytetarëve, siç thotë raporti i Bankës së Shqipërisë marrin borxh për t?u siguruar fëmijëve bukën e gojës, ndërsa kryeministri i akuzon se nuk e duan punën. Papunësia u rrit me 7 përqind në këto 20 muaj sepse kryeministri i së keqes rriti taksat, rriti çmimin e energjisë, rriti çmimin e naftës, mbylli me mijëra biznese.

Shqiptarët po ikin se nuk kanë punë, bukë dhe shpresë. Shumica e shqiptarëve thonë se nuk presin asnjë ndryshim për vitin 2015, madje e shohin gjendjen financiare të tyre në përkeqësim.

Ky është realiteti i trishtueshëm që po kalojnë sot shqiptarët dhe që kryeministri i së keqes nuk e sheh. Çdo kryeministër i përgjegjshëm do bënte gjithçka për të hapur vende punë kryeministri ynë i bllokon ato. Këtu pas meje, nëse nuk do t?a bllokonte kryeministri do të ishte duke u ndërtuar terminali multimodal i pasagjerëve dhe 1200 qytetarë do të ishin duke punuar. Por përveç kësaj, ky terminal do të mundësojë reduktimin e ndjeshëm të ndotjes në qytet 5 ? 6 tonë CO2 në ditë nuk do të emëtohet në mjedis. Me këtë terminal qyteti do të ketë 3.1 km parkim të lirë, dhe 2310 mjete më pak në qarkullim çdo ditë duke sjellë një çlirim të trafikut.

Kryeministri i së keqes, përveç 1200 vendeve të punës në terminalin multimodal ka bllokuar dhe 2300 vende pune në bulevardin e ri, e qindra vende të tjera pune në dhjetëra projekte në qytet. Këtu ne flasim për punë reale jo për vende pune në letër.

Në 21 qershor, është dita të shpëtojmë prej kësaj të keqe dhe të bashkohemi e të votojmë njerëzit e punës, që do t?i kthejnë shpresën qytetarëve, kandidatët e Partisë Demokratike.