web counter
LEXO PA REKLAMA!

SHKARKO APP

App Store
Google Play

E fundit!

x

Isa Mustafa sulmon Fatos Klosin/Një gojë e keqe e një kryespiuni

25 Prill 2015, 14:01, Aktualitet CNA

Kryeministri i Kosovës Isa Mustafa e quan ish-kreun e SHIK-ut shqiptar Fatos Klosi kryespiun që ka shërbyer Serbisë dhe jo çlirimit të Kosovës. Përmes një statusi në rrjetin social Facebook, Mustafa ka reaguar ndaj deklaratave të Klosit se ?me politikën e Ibrahim Rugovës Kosova nuk do të çlirohej kurrë?.
Mustafa shkruan se Kosova nuk do të çlirohej kurrë po të varej nga SHIK-u shqiptar, duke akuzuar se shërbimet informative i kanë shërbyer më shumë Serbisë.

Statusi i Isa Mustafës në Facebook:
?Kosova u çlirua, sepse pati në krye një burrështetas të urtë e të mençur, të respektuar brenda e jashtë vendit, Presidentin Ibrahim Rugova. Kosova nuk do të çlirohej kurrën e kurrës po të varej nga shërbimet informative, siç ishte edhe SHIK-u shqiptar, sepse shërbime të tilla me sjelljen e tyre më shumë u kanë shërbyer regjimeve dhe Serbisë, vëllavrasjes e hasmërive të brendshme, sesa pavarësisë së Kosovës dhe interesave kombëtare. Pa infiltrim dhe përzierje të SHIK-ut, UÇK do të ishte më unike dhe lufta do të ishte më e organizuar.

Sot na vjen keq kur shohim se nga një gojë e keqe e një kryespiuni, spërkatet figura e Ibrahim Rugovës. Një fjalë popullore thotë: arni për thesin. Spiunët arnohen me të tyret, por nuk arnohen me figurën e Ibrahim Rugovës?.





Lajmet e fundit nga