web counter
LEXO PA REKLAMA!

SHKARKO APP

App Store
Google Play

Bushati takim me Ambasadoren Yu: Thellim të mëtejshëm të bashkëpunimit

25 Prill 2015, 17:06, Politikë CNA

?Kina është e gatshme të punojë me Shqipërinë për thellimin e mëtejshëm të bashkëpunimit dhe shtimin e shkëmbimeve në fushat e ekonomike-tregtare, kulturore, arsimore etj, për arritjen e rezultateve konkrete?, deklaroi Ambasadorja e Kinës në Shqipëri Jiang Yu gjatë një takimi të premten me ministrin e Jashtëm të Shqipërisë, Ditmir Bushati.

Sipas CRI-së, të dyja palët shkëmbyen mendimet mbi zhvillimin e mëtejshëm të marrëdhënieve kino-shqiptare, bashkëpunimin mes dy ministrive etj.

Gjatë takimit, ministri Bushati tha se miqësia kino-shqiptare është shumë e thellë dhe vitet e fundit marrëdhëniet dypalëshe janë zhvilluar mirë si dhe është bërë përparim në bashkëpunimin në fusha të ndryshme, por ka ende potencial për zhvillim e bashkëpunim.

Ministria e Jashtme e Shqipërisë është e gatshme të punojë me Ministrinë e Jashtme të Kinës, në përpjekje për të nxitur marrëdhëniet miqësore dypalëshe dhe për arritjen e rezultateve konkrete.

Ambasadorja Jiang pasi përcolli përshëndetjet e përzemërta të ministrit të Jashtëm kinez Wang Yi nënvizoi se vitet e fundit marrëdhëniet kino-shqiptare janë zhvilluar normalisht, janë shpeshtuar shkëmbimet e nivelit të lartë dhe shtuar shkëmbimet ekonomike-tregtare si dhe ato kulturore.





Lajmet e fundit nga