E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ja kush është kandidati i PD-së për Kukësin

25 Prill 2015, 11:52, Politikë CNA

Kandidati i Partisë Demokratike për Kukësin është Bashkim Shehu. Ai është specializuar dhe ka përfunduar studimet me rezultate te shkelqyera për Shkenca Politike të Sigurise jashtë Shqiperisë. Gjatë punës së tij, ka reflektuar ndershmëri dhe përkushtim në detyra e tij në institucione të rëndësishme të shtetit shqiptar.

Bashkim Shehu ka qenë Sekretar i Përgjithshëm në Ministrinë e Turizmit, Kulturës, Rinisë dhe Sporteve. Edhe kandidati socialist për Kukësin, është dëshmitar se Bashkim Shehu ka kembëngulur gjatë punës së tij në ministri për të siguruar fonde të shumta për bashkinë e Kukësit për fushën e sportit dhe të tjera projekte.

Në këtë pozicion, por edhe në detyra të tjera, Bashkim Shehu ka vepruar si profesionist, i paanshëm në trajtimin e administratës shteterore. Gjatë punës së tij në SHKB-në e Ministrisë së Brendshme ka punuar për luftën kundër korrupsionit dhe krimit të organizuar. Ai ka treguar se nuk bën kompromise me antivlerat, pasi është pro vlerave morale, dhe këto veti të rralla janë të duhura për një administrator e politikan. Eshte menaxher i shkelqyer dhe niset nga parimi se nuk janë fondet pengesë e zhvillimit, përkundrazi janë mungesa e ideve, vizioneve dhe projekteve pengesa kryesore e zhvillimit.

Bashkim Shehu ka dëshmuar se merr përgjegjësi mbi vete. Ai ka punuar me projekte dhe e njeh rëndësinë e ideve, është me koncepte perëndimore të zhvillimit dhe si i tillë ka aftësi të jashtëzakonshme të japë kontribute për Kukësin. Bashkim Shehu është anëtar i Kryesisë së Partisë Demokratike të Shqiperise dhe drejtor i Departamentit të Sigurisë dhe luftës kundër krimit.

Aftesitë e tij , shtuar këtu dhe faktin se është një nga më të votuarit në PD, kanë bërë të mundur që të ngjitej në postet e lartpërmendura. Ndershmëria, sinqeriteti, komunikimi i hapur, aftesitë profesionale, përkushtimi politik, kanë ndikuar në suksesin e Bashkim Shehut. Ai është një nga personalitet në moshë të re dhe të kualifikuar jashtë vendit, në universitete prestigjioze ndërkombëtare.

Enver Bytyçi