E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Banka e Shqipërisë vendos rikonstruksionin e ish hotel “Dajtit”

24 Prill 2015, 06:10, Aktualitet CNA

Banka e Shqipërisë do të nisë së shpejti rikonstruksionin e ish hotel ?Dajtit?. Ish hotel ?Dajti?, një ndër godinat më të vjetra të kryeqytetit, dhe pse u ble 5 vite më parë mbi 40 miliardë lekë nga Banka e Shqipërisë, qëndron prej shumë vitesh si gërmadhë në mes të Tiranës.

Ish Guvernatori Ardian Fullani mesa duket as që e kishte menduar ndonjëherë rikonstruksionin e saj, e ndërkohë që selia qendrore e BSH i është nënshtruar vitet e fundit një rikonstruksioni total, guvernatori kishte gjetur si zgjidhje ambiente luksoze me qira, për të cilat paguante jo pak por 6 milionë USD në vit. Sakaq, Këshilli Mbikëqyrës ka vendosur tashmë të fusë në rikonstruksion ish hotel ?Dajtin?, i cili bashkë me selinë qendrore të BSH dhe godinat e tjera më të vogla do të mund të përmbushin plotësisht nevojat e BSH për akomodimin e punonjësve të saj, ndërsa do të shmangen dhe qiratë miliona dollarëshe që paguhen prej vitesh.

Sipas vendimit të BSH, rikonstruksioni pritet të zgjasë 3 vite. ?Në bazë dhe për zbatim të nenit 43, shkronjat ?c? dhe ?g?, të ligjit nr. 8269, datë 23.12.1997, ?Për Bankën e Shqipërisë?, i ndryshuar; nenit 45, shkronja ?dh?, të rregullores ?Për procedurat e prokurimit në Bankën e Shqipërisë?, miratuar me vendimin nr. 81, datë 15.11.2006, të Këshillit Mbikëqyrës të Bankës së Shqipërisë, i ndryshuar; dhe me propozim të Departamentit të Administrimit, Këshilli Mbikëqyrës i Bankës së Shqipërisë, vendosi të miratojë realizimin e objektit të prokurimit ?Rikonstruksioni i godinës së ish-hotel ?Dajtit?, nëpërmjet një kontrate me kohëzgjatje deri në 3 vjet?, thuhet në vendimin e datës 1 prill të Këshillit Mbikqyrës të Bankës së Shqipërisë. Ish-hotel “Dajti? ofron sipërfaqe ndërtimore, ambiente rrethuese, vendndodhje dhe vlera historike shumë të njohura dhe së bashku me ndërtesën ekzistuese të selisë qendrore, ofrojnë zgjidhje afatgjatë të nevojave të Bankës së Shqipërisë për ambiente pune dhe një mbështetje të plotë për zhvillimin e veprimtarisë së saj.