web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshjet e pensioneve të Veliajt, nuk përmend shtetet me më shumë emigrantë

22 Prill 2015, 10:07, Aktualitet CNA

Ministri i Mirëqënies Sociale Erion Veliaj deklaroi sot se është firmosur marrëveshja e pensioneve me Kanadanë, ku sipas tij do të përfitojnë 20 mijë shqiptarë që janë emigrantë në këtë vend. Në listën e shteteve që kanë marrëveshje me qeverinë shqiptare për pensionet, Veliaj përmendi Maqedoninë, Luksenburgun, Hungarinë, Gjermaninë, Belgjikën, Austrinë por në fakt anashkaloi vendet me numrin më të madh të emigrantëve shqiptarë, sic janë Italia dhe Greqia.

Ministri që arrin të nënshkruajë me sukses marrëveshje me vende që nuk kanë më shumë se 50 mijë emigrantë shqiptarë, harron që në fakt 1 milion e 500 mijë shqiptarë jetojnë në Itali dhe Greqi. Natyrshëm lind pyetja: Përse qeveria shqiptare nuk firmos marrëveshje me këto dy vende?

Veliaj duhet t?a dijë që rëndësia e emigrantëve në Itali dhe Greqi është më e madhe se në Austri apo Belgjikë. Para se të flasë për të drejtën e votës së emigrantëve, ministri duhet t?i negocionte me sukses marrëveshjet. Themi ?duhet t?i negocionte?, pasi ai nuk do të jetë më ministër i Mirëqënies Sociale, por duke filluar që nga e mërkura e javës tjetër ai do të dorëqihet për të kandiduar në zgjedhjet lokale të 21 Qershorit.





Lajmet e fundit nga