E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Fier/ Policia arreston 6 persona, autorë të 10 vjedhjeve

21 Prill 2015, 13:17, Aktualitet CNA

Policia e Fierit në saj të një operacioni të koduar ?Piratë e natës? ka mundur të zbardhë 10 vjedhjet e ndodhura në zonën e Marinzës, ndërsa ka arrestuar 6 persona dhe ndiqen në gjendje të lirë dy të tjerë. Burime nga policia bëjnë të ditur se të arrestuarit janë shtetasit, Artur Braçe, 28 vjeç, banues në fshatin Zharrez-Fier, i dënuar më parë për rrahje me 7 muaj burg. Arrestuar për veprën penale të ?Vjedhjes me Arme, në bashkëpunim? në dy raste. Denis Hajdini, 19 vjeç, banues në fshatin Zharrez-Fier. Arrestuar për veprën penale të ?Vjedhjes me Armë, në bashkëpunim?, në një rast, ?Kanosje dhe Armëmbajtje pa leje?, ?Vjedhje në Bashkëpunim?.

Kreshnik Braçe, 27 vjeç, banues në fshatin Zharrez-Fier. Arrestuar për veprën penale të ?Vjedhjes me Armë, në bashkepunim?, në dy raste, ?Kanosje dhe Armembajtje pa leje? në një rast, ?Vjedhje në Bashkëpunim? në disa raste, ?Kultivim i bimëve narkotike?. Ilir Rama, 36 vjeç, banues në fshatin Zharrez-Fier. Arrestuar për vepren penale të ?Vjedhjes me Armë, në bashkëpunim e ngelur ne tentativë?, në një rast, ?Vjedhje në Bashkëpunim? në disa raste. Dervish Hyseni, 19 vjeç, banues ne fshatin Zharrez-Fier. Arrestuar për veprën penale të ?Vjedhjes në Bashkepunim? ne disa raste. Lavdimir Xhaferri, 34 vjeç, banues në Velmish-Fier. Arrestuar për veprën penale të ?Vjedhjes në Bashkëpunim? në disa raste.

Si dhe ndiqen në gjendje të lirë dy persona: A. Ç., 60 vjeç, banues në fshatin Verbas-Fier dhe Artan Belulaj, 44 vjeç, banues në fshatin Zharrez, Komuna Zharrez, Fier, për veprën penale të ?Përvetësimi i parave ose mallrave qe rrjedhin nga vepra penale ose veprimtari kriminale? pasi në disa raste ka blerë sende të vjedhura. Këta persona në bashkëpunim me njëri- tjetrin gjatë periudhës kohore Tetor-2014- Mars-2015 kryesisht në zonën naftë mbajtëse Marinëz-Zharrës Fier, kanë kryer një sërë vjedhjesh me armë dhe vjedhje te tjera në dëm të kompanive të naftës Bankers, Albetrol dhe subjekte private.

Në funksion të procedimeve penale të lartpërmendura është bërë e mundur sekuetrimi në cilësinë e provës materiale : 1 armë zjarri model 56 tip kallashnikov ,14 fishek luftarak, 2 gëzhoja model, 9 bimë narkotike të dyshuara të llojit Canabis Sativa. 21 fuçi të mbushura me vaj lubrifikant me nje total 40.000 litra. 150 kg tel bakri, 120 kg boje plastike Alpin, 1 automjet Benc Mercedes fugon me targë AA341DE fugon, 1 automjet Passat me targë AA 077AK, 6 aparate telefonash, si dhe vegla pune dhe sende të tjera të vjedhura me parë. Materialet ju kaluan Prokurorisë së Rrethit Gjyqesore Fier për veprime të mëtejshme.