web counter
LEXO PA REKLAMA!

SHKARKO APP

App Store
Google Play

E fundit!

x

Nigeri/ Një sëmundje misterioze shkakton vdekjen e 17 personave

18 Prill 2015, 17:35, Kosova & Bota CNA

Një sëmundje misterioze ka shkaktuar vdekjen e 17 personave në jugperëndim të Nigerisë, të cilët kanë ndërruar jetë brutalisht, deklaroi sot zëdhënësi i autoriteteve lokale.

?Shtatëmbëdhjetë persona kanë vdekur nga sëmundja misterioze që prej shfaqjes së saj në fillim të javës në qytetin Odë-Irele, në shtetin e Ondos?, deklaroi zëdhënësi i shtetit, Kavode Akinmade.

Simptomat e kësaj sëmundjeje misterioze janë dhimbje koke, humbje ekuilibri, turbullime të shikimit duke sjellë vdekjen brenda 24 orëve.

?Kërkimet e kryera deri tani nuk kanë treguar nëse bëhej fjalë për një sëmundje virale apo për sëmundjen e Ebolës?, theksoi zëdhënësi.

Ebola, një sëmundje hemoragjike me origjinë virale, ka shkaktuar vdekjen e me shumë se 10 600 personave kryesisht në tre shtete të Afrikës Perëndimore, Liberi , Sierra Leone dhe Guine që prej fillimit të vitit 2014.

Sipas zëdhënësit, specialistët e Organizatës Botërore të Shëndetësisë, të Ministrisë nigeriane të Shëndetësisë dhe disa partnerë të tjerë u mblodhën në Ode-Irele për të luftuar kundër infeksionit.

?Katër personat e pare të prekur nga sëmundja misterioze mes të dielës dhe të hënës vdiqën brenda 24 orëve pas shfaqjes të simptomave?, shtoi ai.

?Përveç 17 të vdekurve ne nuk kemi zbuluar ende raste të reja 72 orët e fundit. Asnjë pacient që vuan nga kjo sëmundje nuk është shtruar në spital dhe sëmundja nuk është përhapur jashtë qytetit?, tha Akinmade.

Në Gjenevë, OBSH-ja konfirmoi simptomat e përshkruara dhe shtoi që, sipas informacioneve që dispononte ajo, numëroheshin 14 raste mes të cilave 12 (ose 13) të vdekur.

Zëdhënësi i OKB-së shtoi se kampione të njerëzve janë dërguar të shtunë në Qendrën Spitalore Universitare në Lagos , ku janë duke u bërë analiza.





Lajmet e fundit nga