web counter
LEXO PA REKLAMA!

SHKARKO APP

E fundit!

x

Kreu i komunës së Lukovës Kumi: Koço të më lejojë të kandidojë, ta fitojë me garë bashkinë

18 Prill 2015, 11:41, Politikë CNA

Kreu i Komunës së Lukovës, Vladimir Kumi ka denoncuar sot KZAZ-në në Himarë se nuk ka pranuar kërkesën për regjistrimin e tij si kandidat i pavarur për zgjedhjet lokale të 21 qershorit. Kumi shprehet se për këtë rast do të ankohet edhe në Komisionin Qendror të Zgjedhjeve ku sipas tij përgjegjës është kushëriri i Koço Kokëdhimës, Stefo Kokëdhima.

?Do kandidoj i pavarur, KZAZ nuk pranon të më presë. Sekretari i KZAZ u detyrua të tërhiqet për shkak të presionit që ushtroi mbi të kushëriri i Koço Kokëdhimës Stefo Kokëdhima, kreu i Këshillit Bashkiak në Himarë.

Do të ankohem edhe në Komisionin Qendror të Zgjedhjeve se përgjegjës për këtë është Koço Kokëdhima. I kërkoj Kocos të më lejojë të kandidojë, ta fitojë me garë bashkinë. Kokëdhima më ka ofruar shumë bashkëpunime por nuk kam pranuar. Do të kandidoj i pavarur në  zgjedhjet e 21 qershorit?, u shpreh Kumi.





Lajmet e fundit nga