E fundit!

20:55 Denoncim

FOTOLAJM/ Adoleshentët gara me motorë e skuterë në Parkun e Liqenit, policët bashkiakë me sy në telefon

Qytetarët që kalojnë pasditen pranë Liqenit Artificial në ...

O shqiptarë, Ismail (Ballist) Morinaj nuk iu bëri krenarë por Moskarë!

15 Prill 2015, 17:36, Aktualitet CNA

Nga Kastriot Myftaraj

Përzgjedhja simbolike që bëri Ismail (Ballist) Morinaj, që mesazhin e parë publik të tij pas kthimit nga Beogradi ta bëjë për Klubin e natës ?Moska? në Tiranë, me një video të publikuar edhe në Youtube (Ballist Morina for MoscoëClubTirana, duke marrë parasysh edhe përmbajtjen e mesazhit të tij të cilin e kam analizuar, është një fakt shtesë kuptimplotë që tregon se Ismail Morinaj është një agjent serb i cili vepron sipas një skenari të mirëprgatitur që nuk ka përfunduar me dronin në ndeshjen Serbi-Shqipëri. Përzgjedhja simbolike moskovite e Morinajt, e kqyrur në kontekstin e të gjithë fakteve që tregojnë se ai nuk mund ta ketë ngritur dronin pa bashkëpunim me serbët, ose më saktë tregojnë se ai thjesht e ka marrë përsipër ngritjen e dronit si akt, zbulon se operacioni special i luftës psikologjike të shërbimeve inteligjente serbe, në bashkëpunim me ato ruse, dhe me Morinajn si protagonist, vetëm sa ka nisur në 14 tetor, në ndeshjen Serbi-Shqipëri. Skenarit vazhdon te zbatohet pjesë-pjesë.

Shërbimet e fshehta serbe e përdorën shfaqjen e Morinajt në Klubin ?Moska? të Tiranës për të testuar se deri ku shkon naiviteti kolektiv te shqiptarët. Pra, a do ta kuptojnë shqiptarët ose jo se Morinaj bën lojën e Serbisë. Dhe varësisht kësaj do të bënin lëvizje të tjera. Shqiptarët duhet ta kuptojnë se Morinaj me mesazhin e tij për Klubin ?Moska? i bëri shqiptarët Moskarë Autochthonous! Aq më tepër e parë e gjithë kjo nën dritën e fakteve të shumta që tregojnë se ai nuk mund ta ketë ngritur dronin pa bashkëpunuar me serbët.

E kam thënë se shërbimet inteligjente serbe me operacionin e dronit me banner në ndeshjen Serbi-Shqipëri kishin një qëllim të shumëfishtë. Një nga qëllimet ishte që të dublohej flamuri kombëtar shqiptar ai kuqezi. Serbët, të cilët vetë praktikisht nuk kanë një flamur kombëtar historik, se këtë flamur që kanë sot e kanë krijuar në shekullin XIX, ua kanë zili shqiptarëve flamurin historik, flamurin e Skënderbeut. Prandaj serbët në ndeshjen Serbi-Shqipëri sajuan shfaqjen me dron të një banneri të cilin e quajtën ?Flamuri i Shqipërisë së Madhe?, duke nënkuptuar me këtë ?Flamuri i Shqipërisë Etnike? Pra, një tjetër na qenka flamuri kombëtar shqiptar, është edhe flamuri i shtetit shqiptar, dhe një tjetër është flamuri i Shqipërisë Etnike që është flamuri i zi i dronit, me hartën e Shqipërisë Etnike ku gjendet edhe Sanxhaku të cilin nuk e kanë kërkuar në 1912 Ismail Qemali dhe Isa Boletini, kur shpallën pavarësinë e Shqipërisë. Askush nuk e nënshkroi deklaratën e shpalljes së pavarësisë së Shqipërisë si përfaqësues i Sanxhakut. Data 28 nëntor 1912 dhe portretet e dy etërve themelues të shtetit qenë vendosur në banner për të kompromentuar aspiratën historike të Shqipërisë Etnike e cila u zyrtarizua me hartën me kufijtë e Shqipërisë që Ismail Qemali dhe Isa Boletini i dërguan Konferencës së Fuqive të Mëdha në Londër, që ishte mbledhur për të përcaktuar kufijtë.

Shumëfishimi i bannerit të dronit si simbol nga ana shqiptarëve naivë, çka pati si pasojë që praktikisht të dublohet flamuri kombëtar shqiptar, është arritja më e madhe historike që ka pasur Serbia në luftën psikologjike kundër kombit shqiptar. Aq sa tani praktikisht banneri i dronit mund të quhet flamuri i dytë kombëtar shqiptar. Kjo është vetëm njëra anë e arritjes serbe. Ana tjetër është se shfaqja e bannerit me u pasqyrua nga e gjithë media botërore, televizione, gazeta, portale etj. Ky ishte padyshim një lajm global. Tashmë bota mendon se shqiptarët kanë dy flamurë kombëtarë, një atë historik dhe një atë të dronit, i cili na qenka flamuri i Shqipërisë së Madhe, apo Etnike, i ngjashëm me flamurin e zi t ISIS. Nëse opinioni i gjerë global mjaftohet vetëm me përshtypjet, zyrat e specializuara nxjerrin përfundime mbi këto gjëra dhe reagimin entuziast masiv të shqiptarëve.

Tashmë, përballë fakteve, naiviteti i adhuruesve të sinqertë të Morinajt është shndërruar në krim, në tradhti kombëtare. Këtu nuk flas për serbofilët dhe arabët shqipfolës të cilët shtiren kinse entuziastë se urrejnë flamurin kombëtar shqiptar dhe kënaqen kur shohin flamurin e zi, ndonëse për arsye të ndryshme. Këtu flas për shqiptarët e sinqertë të cilëve u them: O shqiptarë, mjaft lejuat që t? ju vënë në lojë si Moskarë Autochthonous!
Nuk ka asnjë lajm në median botërore të madhe, asnjë deklaratë ku të shprehet zilia ndaj shqiptarëve për atë që ndodhi në Beograd, apo që të na e kenë lakmi Ismail Morinajn si hero. Nëse ajo pjesë e botës që na do sadopak nuk artikulon përshtypjet e vërteta, duke na thënë se në këtë histori i dukemi si majmunët në cirkus, që janë krenarë për performancën e tyre dhe kanë bindjen se njerëzit i kanë zili ata, kjo ndodh se presin që të shohim si do të reagojmë ne shqiptarët si komb, në mënyrë që të vendosë se a ia vlen të na ketë aleatë. Ajo pjesë e botës që nuk na do, me Serbinë në krye, nuk ka interes që ta thotë të vërtetën, se kështu shqiptarët do ta kuptojnë se janë mashtruar me dronin dhe nuk do ta adhurojnë atë. Shërbimet e fshehta serbe e stërvitën Morinajn si majmunin ne circus dhe e bënë të ngjitet në rrjetat rrethuese të stadiumit në Slloveni që të merrte famë si majmuni më i guximshëm ndër majmunët e cirkusit shqiptar. Dhe kur arriti një lloj fame e bënë të marrë përsipër ngritjen e dronit. Dhe me një entusiazëm majmunor majmuni që u ngjit më lart se të tjerët, me dron, u quajt hero. Por një shprehje kineze thotë se sa më lart ngjitet majmuni në pemë, aq më qartë i duket bytha. Dhe Morinajt i është zbuluar bytha e stampuar moskovite, përveçse me faktet e tjera të kësaj historie. Dhe sipas stilit majmunor ai hesht dhe nuk jep asnjë shpjegim sesi mundi ta ngrejë dronin në Beograd, në mes të mijëra policëve serbë në kushtet dhe rrethanat që ngrejnë njëqind pyetje për atë që njeh detajet e vendngjarjes. Tekefundit majmunët nuk japin kurrë shpjegime. Janë njerëzit ata që gjykojnë mbi performancën e tyre. Serbëve u duhej një majmun që të imitonte ngritjen e dronit me disa video të shfaqura për prova paraprake, sa për ta marrë përsipër atë.