web counter
LEXO PA REKLAMA!

SHKARKO APP

Vrasja në Belgjikë/ Prokuroria thërret 24 burrat për hetimin ndaj Mark Frrokut

12 Prill 2015, 09:37, Aktualitet CNA

Prokuroria e Përgjithshme e cila po vijon me hetimet për vrasjen ndaj deputetit Mark Frroku, do të marrë në pyetje 24 burrat që morën pjesë në takimin në Shkodër pas ngjarjes së ndodhur në Belgjikë, shkruan e përditshmja Panorama.

Takimi i fundit mes tyre është mbajtur në mars 2013 në Shkodër dhe ka pasur për qëllim  komunikimin e familjarëve të deputetit Mark Frroku me të afërmit e Aleksandër Kurtit, emigrantit të vrarë me thikë në Bruksel.

Prokuroria ka pohuar se po përgatit fletëthirrjet dhe do të marrë në pyetje 24 burrat, të cilëve do tu kërkohen deklarime në lidhje me takimet në Shkodër dhe përmbajtjen e bisedave që janë bërë në këto takime.

Familjarët e viktimës kanë thënë se nuk kanë marrë pjesë në këtë mbledhje me 24 burra dhe në prani të dy klerikëve. Ndërsa në ditën kur u votua heqja e imunitetit dhe autorizimi për arrestimin e Mark Frrokut në sallën e Kuvendit, ai konfirmoi takimin në Shkodër.

 





Lajmet e fundit nga