E fundit!

08:20 Aktualitet

Seancë e ngarkuar në Kuvend/ Shqyrtohen sot 24 pika të rendit të ditës

Kuvendi i Shqipërisë mblidhet këtë të enjte më 16 korrik, ...

Teatri “Migjeni”, ende asnjë projekt konkret ndërhyrjeje

11 Prill 2015, 17:30, Aktualitet CNA

Teatri ?Migjeni? i Shkodrës, një nga institucionet më të rëndësishme teatrore në vend, sot pret një ndërhyrje emergjente për gjendjen e tij. Teatri, i cili në vite është renditur ndër institucionet me jetë artistike të pasur, sot është ende me një sistem elektrik që nga 1958, duke bërë kështu që zhvillimi i shfaqjeve në skenën e tij të jetë me jo pak probleme. Sot ky institucion teatror ka një trupë aktorësh profesionistë, emra që i kanë dhënë shumë jetës artistike jo vetëm Shkodrës, por dhe me gjerë, por përballë gjendjes që ka sot teatri ata ndihen të braktisur.

Shkatërrimi dhe degradimi i kësaj trashëgimie të qytetarëve shkodranë tregon qartë se teatri ?Migjeni? deri më sot nuk ka pasur vëmendjen e duhur për investimet, që do të përmirësonin gjendjen e tij. Vetëm disa javë më parë u fol për problemet që ka sot ky institucion teatror, u bë një thirrje në drejtim të Bashkisë së Shkodrës por dhe Ministrisë së Kulturës, por deri më tani siç pohojnë vetë aktorët janë vetëm premtime.

Edhe pse ky teatër është në emergjencë, nuk flitet ende për një projekt konkret, dhe për aktorët që zhvillojnë jetën artistike në këto kushte, në kohën kur ky teatër është dhe monument kulture, duhet që Ministria e Kulturës të ketë më shumë vëmendje. Aktorja e njohur e këtij teatri, Rita Gjeka, shprehet se duhet menduar për këtë teatër. ?Edhe pse dihen problemet e teatrit asgjë nuk ka ndodhur deri tani. Ka ardhur zëvendësministri i Kulturës me një ekip për zgjidhjen e problemit, por nuk dimë gjë konkrete, ndërsa as nga Bashkia e Shkodrës nuk ka asnjë prononcim. Teatri ?Migjeni?, duke qenë dhe monument kulture në Shkodër, duhet që Bashkia e Shkodrës dhe Ministria e Kulturës të akordojnë punët mes tyre për ti ardhur në ndihmë teatrit, të japin fonde për rikonstruksionin?, pohon aktorja Rita Gjeka, e cila prej 30 vitesh është pranë këtij teatri.

Në reagimin e saj, aktorja shprehet se teatri në Shkodër është dhe më i vjetër se sa vetë shteti shqiptar, por sot fatkeqësisht teatri është në mjerim dhe vijon ende me sistemin elektrik të ndërtuar që më 1958, duke bërë që shfaqjet të zhvillohen me probleme.