web counter
LEXO PA REKLAMA!

SHKARKO APP

App Store
Google Play

Tabaku: Rama-Meta refuzojnë të lehtësojnë jetën e shqiptarëve

10 Prill 2015, 11:37, Politikë CNA

Deputetja e Partisë Demokratike Jorida Tabaku me anë të një deklarate për shtyp është shprehur se kjo qeveri është bërë palë me krimin dhe nuk mban premtimet e bëra ndaj qytetarëve me votat e të cilit mori pushtetin.

?Mazhoranca konfirmoi dje se qeverisja e saj nuk është asnjë ditë në shërbim të qytetarëve. Refuzimi i dy Amendamenteve për uljen e çmimit të energjisë dhe uljen e çmimit të naftës, nuk ishte refuzim i propozimeve të opozitës, por refuzim për të ndihmuar qytetarët, për të lehtësuar jetën e tyre. Refuzoi pikërisht dyshja Rama-Meta, të cilët premtuan në fushatë çmime më të ulëta dhe kosto më të lira jetese, por në fakt po u japin shqiptarëve përditë më pak të ardhura dhe më shumë shpenzime. Për shkak të saj, përdoruesit e makinave apo mjeteve të ndryshme të transportit paguajnë 1000 lekë taksa sa herë që blejnë naftë. Ndërkohë që secili nga konsumatorët që blen një produkt në treg paguan indirekt koston e kësaj takse në shërbimin apo produktin e blerë.

Ky është alarmi që ka lëshuar Banka Botërore me raportin e djeshëm, mbi këtë shkallë të panjohur korrupsioni në vend që fajëson drejtpërdrejt qeverinë e praktikat e saj. Sot bizneset e ndershme e kanë më të pamundur të mbijetojnë për shkak të korrupsionit, ngaqë qeveria i ndan bizneset, disa të nënës, disa të njerkës. Dje, mazhoranca u dëshmoi shqiptarëve se sa përzemërt i ka ajo braktisjen e premtimeve me të cilat ka marrë votat e tyre, duke rrëzuar Amendamentin. Qeveria dështoi të kthente përgjigje se përse nuk pranon që të mbajë premtimet me të cilat u kërkoi votat shqiptarëve. Por ballafaqimi me popullin dhe me të vërtetën po vjen. Shqiptarët më 21 qershor do t?i kthejnë përgjigjen e merituar kësaj mazhorance arrogante, që ka braktisur qytetarët dhe vetë është zhytur në korrupsion galopant?, u shpreh Tabaku.





Lajmet e fundit nga