web counter
LEXO PA REKLAMA!

SHKARKO APP

App Store
Google Play

Biden: Ironi, por Shteti Islamik ndihmoi irakenët të bashkohen

10 Prill 2015, 14:00, Aktualitet CNA

Zëvendëspresidenti amerikan, Joe Biden ka dhënë një vlerësim inkurajues për progresin e Irakut ndaj pozicioneve të militantëve të Shtetit Islamik. Shteti Islamik ka qenë në ofensivë kudo në Irak tetë muaj më parë, por tashmë përparimi i tyre është ndalur?, tha Biden.
Sidoqoftë, ai apeloi liderët irakenë të mos e humbasin ndjesinë e emergjencës politike që i bëri bashkë dhe i solli në këtë pikë të suksesshme.
Biden i bëri këto komente përpara një takimi të planifikuar mes kryeministrit të Irakut, Haider al-Abadi dhe presidentit amerikan Barack Obama next week.
Forcat qeveritare irakene rimorrën nën kontroll Tikritin nga militantët e Shtetit Islamik javën e kaluar pasi kishte rënë në duart e militantëve në qershor.
Presidenti Abadi e ka shpallur provincën Anbar, ku militantët xhihadistë dhe kryengritës të tjerë suni operojnë lirisht, si shënjestrën e radhës së Ushtrisë së vendit.
Anbar, një zonë me popullsi të dendur sunite e që përbën një rrip që zgjatet në perëndim nga kryeqyteti Baghdad deri në kufirin sirian, është provinca më e madhe e Irakut. Shumica e qyteteve të provincës mbahen në zotërim nga Shteti Islamik apo grupime të tjera kryengritëse sunite.
Biden ka shkuar edhe më tej duke thënë se Shteti Islamik ka ndihmuar irakenët të bashkohen. ?Ironia e të gjitha ironive është se Iraku u ndihmua për të formuar Qeverinë pikërisht nga ISIS?, tha numri dy i Shtëpisë së Bardhë.





Lajmet e fundit nga