web counter
LEXO PA REKLAMA!

SHKARKO APP

App Store
Google Play

E fundit!

x

Dita e Kushtetutës/Jahjaga:Simbol i sakrificës së popullit

9 Prill 2015, 12:06, Kosova & Bota CNA

Presidentja Atifete Jahjaga e cilësoi Kushtetutën e Kosovës simbol të sakrificës së popullit të Kosovës për liri e pavarësi, në përvjetorin e miratimit të dokumentit themeltar të shtetit.

?Sot është dita që simbolizon bazën e shtetësisë. Sot kremtojmë një ndër ditët më të shënuara në historinë e shtetit tonë, Ditën e Kushtetutës, këtij akti madhor që ka përmbledhur gjithë sakrificën sublime të popullit të Kosovës për liri dhe pavarësi?, ka thënë Jahjaga, në urimin e saj për Ditën e Kushtetutës.

Ajo ka thënë se me vullnetin e qytetarëve dhe sakrificën e tyre po ndërtohet një shtet i dinjitetshëm dhe i përparuar.
?Ky dokument është themeli i shtetit të Kosovës – që qytetarin e tij e ka zot të kësaj toke, të barabartë pa dallim. Është dokumenti që ndërton bazamentin e shtetit të së drejtës, ku sundon rendi dhe ku forca e ligjit shtrihet në gjithë territorin. Kjo është Dita e aktit më të lartë juridik dhe të vlerave të popujve dhe vendeve demokratike?, ka shtuar Shefja e Shtetit.

?Një Kushtetutë e shtetit tonë, me një histori të rëndë, që po ngritet me forcën e shpirtit të qytetarëve të tij, me vullnetin e tyre për ta bërë Kosovën një vend të dinjitetshëm, të përparuar dhe anëtare të barabartë të bashkësisë ndërkombëtare?.
?Urime Dita e Kushtetutës, qytetarë të Republikës së Kosovës?.





Lajmet e fundit nga