web counter
LEXO PA REKLAMA!

SHKARKO APP

App Store
Google Play

Destabilizimi i rajonit nga Irani/Kerry:Nuk do rrimë duarkryq

9 Prill 2015, 08:10, Kosova & Bota CNA

Sekretari amerikan i Shtetit, John Kerry paralajmëroi Iranin kundër mbështetjes që Teherani dyshohet se i jep kryengritësve shiitë huthi në Jemen. Ai tha se Shtetet e Bashkuara do të mbështesin çdo shtet në Lindjen e Mesme që ndjehet i kërcënuar nga Irani, dhe nuk do të qëndrojnë si dëshmitarë nëse Irani destabilizon rajonin.
Shtetet e Bashkuara po mbështesin koalicionin ndërkombëtar që drejtohet nga sauditët për të zmbrapsur ofensivën e kryengritësve shiitë e për të rikthyer në detyrë presidentin e vendit, Abdrabbuh Mansour Hadi, i cili u largua nga Jemeni muajin e kaluar.
Irani i ka dënuar akuzat se po furnizon me ndihma ushtarake huthit.
Sidoqoftë, Irani ka dërguar dy anije të marinës në Gjirin e Adenit, përgjatë bregut jugor të Jemenit,
Një komandant i marinës së Iranit i tha medias shtetërore se kjo lëvizje ka për synim të mbrojë rrugët detare për anijet e rajonit. Ndërkaq, ndihmat humanitare kanë nisur të mbërrijnë në Jemen pas një serie vonesash ndërkohë që situata përkeqësohet dhe luftimet vijojnë të ashpra.
Sekretari Kerry tha për median se është e qartë se Irani po ndihmon kryengritësit huthi në Jemen. ?Ka ngarkesa që vijnë nga Irani e një numër fluturimesh çdo javë që sjellin furnizime?, theksoi kryediplomati amerikan.





Lajmet e fundit nga