E fundit!

09:13 Kronika

Vodhën rreth 700 milionë lekë të pensioneve dhe ndihmave sociale/ Në pranga tri zyrtaret e Postës Shqiptare

Një rast skandaloz dhe kriminal është regjistruar në Durrë...

Partitë e reja në Maqedoni, gabime të përsëritura?

8 Prill 2015, 12:43, Aktualitet CNA

Në Maqedoni tek shqiptarët po shtohet numri i partive të reja politike, duke qenë si alternativë në skenën politike.

Partitë e reja kanë terrenin e gjërë për të përfituar elektoratin e tyre, duke pasur parasysh pakënaqësinë ndaj partive aktuale, por edhe elektorati masiv i papërcaktuar tek shqiptarët.

Njohësit e njohur të zhvillimeve politike në Maqedoni ja se çfarë theksojnë për fatin e subjekteve të reja politike.

Publicisti dhe analisti politik Nijazi Muhamedi thekson për INA se partitë reja në rast se nuk dinë të shfaqen me protagonizmin e tyre në skenën politike ato mund të sjellin zhgënjimin e radhës tek elektorati shqiptar.

?Ata që ndjekin me vëmendje zhvillimet politike aktuale në anën shqiptare, nuk mund ta fshehin zhgënjimin nga pritjet që i kanë hamendësuar si oportunitet për dalje nga kolapsi i thellë politik që u ka ndodhur shqiptarëve. Një shtysë inercie politike fatale e ka futur në pështjellim jetën politike në anën shqiptare, një pështjellim që po riciklohet, bile, në forma të pa ndryshuara parapolitike. Edhe aktorët e rinj që po sprovojnë ta mënjanojnë këtë kolaps me përpëlitje të çakorduara, edhe kësaj here, mjerisht, ka shumë gjasa që të sjellin zhgënjimin e radhës për elektoratin shqiptar. Në këtë rast ky elektorat prap mund të vihet përballë një zgjedhjeje jo të vullnetshme për denjësinë e tij demokratike- të zgjedhë më pak të ligun karshi mashtruesit dhe rrënimtarit të lig të deritashëm të votës dhe të fatit politik të tij?, thekson publicisti Muhamedi.

Publicisti dhe gazetari Mehmet Latifi thekson për INA se pritshmëria dhe zhgënjimi nga partitë ekzistuese për shkak të premtimeve të rrejshme për zgjidhjen e çështjeve të pazgjidhura shqiptare, ka detyruar personalitete publike dhe politike shqiptare të kërkojnë alternative të reja, me formimin e subjekteve të reja ose rimëkëmbjen e subjekteve të vjetra, si formë e ?dashurisë së parë pluraliste?.

?Krijimi i subjekteve të reja politike ose rimëkëmbja e subjekteve të vjetra, megjithatë nuk ofrojnë ndonjë alternative konkrete për unifikimin e forcës, potencialit dhe kapacitetit politik dhe ekonomik të shqiptarëve por vetëm edhe më tej fragmentarizojnë këtë potencial. Partitë e vogla formohen dhe konkurojnë njëra tjetrën ndërmjet veti, por assesi nuk kanë kurrfarë gjasash në një konkurrencë vetanake të mposhtin partitë e mëdha që tashmë janë mirë të organizuara dhe të strukturuara për shumë arsye dhe kështu ato mbeten përsëri të margjinalizuara, të dëshpëruara nga mosmirëkuptimi i elektoratit, mbeten vetëm dëshirë e flaktë e grupacioneve të caktuara të dëshpëruar mbase edhe të frustruar për të përmbysë subjektet më të organizuara pa bashkimin e tyre në një trup të vetëm?, thekson njohësi i zhvillimeve politike në Maqedoni, Mehmet Latifi.

Por sipas tij, lëvizjet e fundit kanë trandë sado pak subjektet që e konsiderojnë veten mjaft ?stabile? duke u bazuar edhe në mbështetjen institucionale të vetë shtetit me të gjitha mekanizmat, sepse asnjë subjekt shqiptar deri më tani nuk ua përzien hesapet partive të bllokut maqedonas. (INA)