web counter
LEXO PA REKLAMA!

SHKARKO APP

App Store
Google Play

Ndryshime në Kodin e Punës/ Veliaj: Më shumë garanci dhe mbrojtje për punëtorët

8 Prill 2015, 14:54, Aktualitet CNA

Në mbledhjen e sotme të qeverisë janë miratuar disa ndryshime në Kodin e Punës. Në fjalën e tij në mbledhje Ministri i Mirëqenies Sociale, Erjon Veliaj është shprehur se këto ndryshime janë bërë për të garantuar më shumë garanci dhe mbrojtje për të gjithë punëtorët. Sipas Veliajt Kodi i Punës është produkt i një pune dy vjeçare.

?Kodi i Punës, produkt i një pune gati dy vjeçare, gjithçka është bërë për më shumë garanci dhe mbrojtje për punëtorët. Sipas këtij Kodi të Punës, çdo punëmarrës gëzon të drejtën për të marrë lejen vjetore, leja nuk mund të zëvendësohet me kompensim financiar. Për çdo 6 orë pune, do të ketë një periudhë pushimi për punëmarrësit. Po sipas Kodit të Punës kemi menduar se sa i përket lejes së lindjes, të dy prindërit kanë të drejtë përkujdesi për fëmijën e tyre. 63 ditë pas lindjes prindërit 2 orë pushimi në ditë të paguar.

Për herë të parë, me këto ndryshime parashikohet rregullimi i punës në distancë, ose të kryer nëpërmjet kompjuterit, duke i krijuar mundësi të reja, por edhe mbrojtje veçanërisht të rinjve. Një tjetër risi është edhe ajo që prek nxënësit e arsimit profesional. Për këtë kategori nxënësish, që në përputhje me sistemin dual gjerman do të kryejnë praktikën mësimore pranë një subjekti, këtej e tutje do të paguhen.

Me ndryshimet e miratuara sot në Kodin e Punës vijnë dhe disa përcaktime të tjera moderne që synojnë ndalimin e diskriminimit në punësimin dhe formimin profesional. Kështu, parashikohet lënia e barrës së provës punëdhënësit për marrjen e masave me qëllim respektimin e parimit të mosdiskriminimit. Ndër të tjera, parashikohet edhe përcaktimi i saktë dhe i plotë i rasteve të ?shqetësimit seksual? në mjedisin e punës?, u shpreh Veliaj.





Lajmet e fundit nga